بنگههێ لالش تايێ باعهدرێ پازده سال دهربازكرن
تۆرا لالش يا راگههاندنێ/باعهدرێ
د رۆژەکا وەکا ئيرۆ دا بەريا پازده 15 سالان بنگەهێ لالش تایێ باعەدرێ كو ئێکەم بنگەهێ رەوشەنبیری گرێدایی جڤاکا ئێزدیايه هاته دامەزراندن، دڤی تهمهنێ بۆری دا کاروانەکی پڕی چالاکی دبیاڤێن جۆراوجۆر دا ئاراستەی خەلکێ ل باعەدرێ و دەڤەرێ ژی کریە بێ سهكناندن و ماندوبوون درێيا ئۆل و گەل و نیشتیمان و نەتەوا خۆ دا.
ههر بڤێ ههلكهفتێ و ژبۆ ساخکرنا ڤێ رۆژا دیرۆکی دبیاڤێ رەوشەنبیری و جڤاکی یا خەلکێ باعەدرێ و پێگیريبوون ب هەموو رێنمایێن خۆپاراستنێ ژ ڤایرۆسێ کۆرۆنايێ، ئيرۆ 14/7/2020ێ ب ئامادەبوونا ژمارەکا زۆر ژ رەوشەنبیر و ریهسپی و قوتابی و ئافرەت و تەخێن جودا جودا بنگەهێ لالش تایێ باعەدرێ رابوو ب گێرانا رێورهسمێن ئیمزاکرنا پەرتۆکا نڤیسەرێ بەرنیاس “بهدهل فهقير حهجى” لژێر ناڤێ(يوميات سائق تكسي في ألمانيا ).
ل دەستپێکێ بەرێز”خهلات باعەدری”بەرپرسێ بنگەهێ لالش تایێ باعەدرێ بخێرهاتنا نوونەرێ نڤیسکاری داود موراد خەتاری و بنەمالا نڤیسکاری و تەڤایا ئامادەبوویان کر و رۆناهی ئێخستە سەر کەد و خەباتا نڤیسکاری د بیاڤێ زێندیکرن و قورتالکرنا لایەنێن ئۆلا ئێزدیان د سالانێن بۆری دا.
پاشی نووونەرێ نڤیسکاری رۆناهی ئێخستە سەر ناڤەرۆکا پەرتۆکێ ب شێوەیەکی گشتی و هەول و ماندوبوونا نڤیسەری ژبۆ تەمامکرنا ڤی بەرهەمی و گرنگیا هەبوونا ڤی جۆرێ نڤیسینێ دژیانا گەلان دا و ئەو سەربۆرێن تاکەکەسێن جڤاکا دژیانا نۆرمال دا ئینان زمان.
دتەوهرەکێ دیتر دا نڤیسکار بخۆ ژی ب رێيا ئنترنێتێ تەڤلی ڕێورهسمێن خەلاتکرنا ناڤبری بوو و باس ل گرنگی و ناڤەرۆکا پەرتۆکێ کر کو دەربرینێ ژ ژیانا هڤدە سالان دکت، زێدەباری چەوانی و پالدەرێن هانداین ژبۆ نڤیسینا ڤێ پەرتۆکێ و دەست خۆشی ل رێکخەرێ چالاکیێ و تەڤایا ئامادەبوویان کر.
ل داویێ ڕێورهسمێن ئیمزاکرنا پەرتۆکێ ب رێڤەچوون و دانەیێن پەرتۆکا ناڤبری لسەر تەڤایا ئامادەبوویان هاتن بهلاڤكرن.
تُتاح هذه الصورة أيضا في: کوردی