ل شاريا هاریکاری لسەر 300 خێزانێن ئاوارەیێن شنگالێ هاتنه به‌لاڤكرن
تۆرا لالش:
ل كۆمه‌لگه‌ها شاريا هاريكارى لسه‌ر رزگاربوویێن دەستێ داعش و ژنێن بێژن و خێزاێن کێم دەرامەت یێن ئاوارەیێن شنگالێ و خوجهێن کۆمەلگەهێ هاتنه به‌لاڤكرن.
ب مەرەما گەهاندنا دەستێ هاریکاریێ بۆ خێزانێن ئاوارەیێن شنگالێ، بنگەهێ لالش تایێ شاریا ب هەماهه‌نگی دگەل رێکخراوا نوپێل بۆ گەشەپێدانا جڤاکی ب پشتەڤانیا كۆمه‌لا كتاب المقدس و ده‌زگه‌هێ شه‌رق يێ راهێنانا پيشه‌يى،رابوون ب به‌لاڤكرنا هاریکاریان لسەر 300 رزگاربوویێن دەستێ داعش و ژنێن بێژن و خێزاێن کێم دەرامەت یێن ئاوارەیێن شنگالێ و خوجهێن کۆمەلگەها شاریا.
ئەڤ هاریکاری پێکهاتبوون ژ کەلوپەلێن خوارنێ، و بەهرا هەر خێزانەکێ ژ ئەڤێ هاریکاریێ پێکهاتبوو ژ (5 کیلو برنج، 2 کیس شکر، 2 کیس شیر، 2 زیت، 2 دەست صابون، 1 کیس تۆڤ چای، 2 قۆتیک مەعجون، 3 کیس رژدە، 3 کیس مەعکەرون، 1 شامپۆ، 1 زاهی، 1 قۆتیک گۆشت و 1 کارتون کمامە).
هەژی گۆتنێ یە کو ئەڤە چەندین جارە رێکخراو و دەزگەهێ ناڤبری ئەڤان جۆرە هاریکاریان پێشکێشی ئاوارەیێن شنگالێ دکن تایبەت رزگاربووی و ژنێن بیژن و خێزانێن هەژار و کێم دەرامەت.
تُتاح هذه الصورة أيضا في: کوردی