ل باعهدرێ رێورەسمێن ئیمزاکرنا سێ پەرتۆکێن هەلبەستان هاتنه گێران
سهما:
پێخەمەت ئاشناکرنا خەلکێ باعەدرێ و دەڤەرێ ب جیهانا ئەدەبیاتان و ب تایبەت هەلبەستێ،دوهى 3ى تيرمههێ بنگەهێ لالش تایێ باعەدرێ رابوو ب رێورەسمێن ئیمزاکرنا سێ پەرتۆکێن هەلبەستا ل هۆلا باعەدرێ یا بیرەوەریان.
ب ئامادەبوونا ژمارەکا زۆر ژ کەسایەتی و نوونەرێن دام و دەزگەهێن حزبی ومیری ل قەزا شێخان و ناحیا باعەدرێ و گرۆپێ فەلەک یێ رەوشەنبیری ژ پارێزگەها دهؤکێ و رەوشهنبیر و تەخ و چینێن جودا جودا یێن شێخان و باعەدرێ و دەڤەرێ، رێورەسمێن ئیمزاکرنا سێ پەرتۆکێن هەلبەستا هاتنه گێران.
پشتی چەندەک راوەستیان وەک رێزگرتن بۆ تەڤایا شەهیدێن بزاڤا ڕزگاری خوازا کوردی سەرکێشێ وان بارزانیێ نەمر، بەرپرسێ بنگەهێ لالش تایێ باعەدرێ بەڕێز خهلات باعەدری بخێرهاتنا تەڤایا ئامادەبوویان کر.
لدووڤدا نوونەرێ گرۆپێ فەلەک کورتیەک لدۆر گرۆپێ خۆ ب درێژاهیا چەندین سالأ و بەحس ل کار و بزاڤ و تێکۆشینا خۆ یا ئەدەبی و رەوشنبیری ل سنورێ پارێزگەها دهۆکێ بۆ ئامادەبوویان دا زمان و ڕێز و سۆپاسیێن خۆ ئاراستەی بنگەهێ لالش تایێ باعەدرێ کرن.
پاشی پەرتۆکا هۆزانڤانێ وەغەرکری خودێ ژێ ڕازی “عبدالغني كوفلی” خودانێ پەرتۆکا (ئەز و شەڤ) ژپال ئەندامەکی گرۆپی ڤە هات خواندن و باس کرن.
هەروەسا هەریەک ژ هۆزانڤان “زهێر کۆرەمارکی” خودانێ پەرتۆکا (ماچ وهەمبێز ) و “خۆرشید پیر ئۆمەری”خودانێ پەرتۆکا (خۆرزان) رۆناهی ئێخستنە سەر ناڤەرۆکا پەرتۆکێن خۆ و چەند تێکستەک ژ هەلبەستێن خۆ بۆ ئامادەبوویان خواندن و بەرەف جیهانا تۆڕە و هزرێن ئاتەشی یێن خەیاڵان و ڤە چوون د کەش و هەوایەکی دلڤەکر و ئارام و بالکێش دا.
ل داویێ رێورەسمێن ئیمزاکرنا پەرتۆکا دەستپێکر ژلایێ هەلبەستڤانێن ناڤبری ڤە و ب سەر تەڤایا ئامادەبوویان ڤە پارڤەکرن وەک دیاری.
تُتاح هذه الصورة أيضا في: کوردی