136 خێزانێن زيانڤێكهفتيێن کەمپا شاریا هاریکاریێن بنگەهێ لالش وەرگرتن
تۆرا لالش:
دچارچۆڤێ هەوا بنگەهێ لالش دا بۆ هاریکاریا زیانڤێکەفتیێن ئاگربەربوونا کەمپا شاریا ئەوا هاتیە روودان بەری مەهەکێ، شاندەکی پێکهاتی ژ تایی و نڤیسینگەهێن بنگەهێ لالش ل رۆژا چارشەمبوویێ رێکەفتی 2021/7/7 رابوون ب پارڤەکرنا هاریکاریێن دراڤی لسەر (136) خێزانان ژوان خێزانێن خیڤەتێن وان هاتین سۆتن، بەهرا هەر خێزانەکێ ژ ئەڤێ هاریکاریێ (100) هەزار دینارێن عیراقی بوون، ئەوژی ب هەماهنگی دگەل کارگێریا کەمپا شاریا و دەزگەهێ بارزانی یێ خێرخوازی.
ل دەستپێکێ نوینەرێ شاندێ لالش هەڤخەمیا بنگەهێ لالش دا خۆیا کرن بۆ ئەوێ بۆیەرا ئاگربەربوونێ ل کەمپا شاریا و رێز وسلاڤێن بەرێز (شێخ شامۆ) سەرۆکێ دەستەیا بلندا بنگەهێ لالش و ئەندام و دەستەکێن کارگێریێن تای و نڤیسینگەهان گەهاندنە خێزانێن ئامادەبووی و ئاماژە ب کار وخزمەتێن بنگەهێ لالش کر هەر ل رۆژا ئێکێ ژ ئەوێ کارەساتا دلتەزین و تا ئیرۆ رۆژ و گەهاندنا ئەڤێ هاریکاریا دراڤی بۆ دەستێن وان.
ژلایەکی دیڤە رێز وسوپاسیێن بنگەهێ لالش ئاراستەی سەرکردایەتیا حەکیمانە یا کوردستانێ کر ب هەموو ئاستێن وێڤە و هەلویستێ جوامێرانە یێ خەلکێ هەرێما کوردستانێ دا دیارکرن بەرامبەر جڤاکێ مە، هەروەسان سوپاسیێن بنگەهی ئاراستەی لایەن و رێکخراوێن خێرخوازی و مرۆڤی کر ژبۆ هەولێن وان یێن بەردەوام د پێشکێشکرنا هاریکاریاندا بۆ ئەوان خێزانا.
ژلایێ خۆڤە خێزانێن زیانپێکەفتی دلخۆشیا خۆ دەربرین بەرامبەر ئەڤێ هاریکاریێ و سوپاسیێن خۆ ئاراستەی بنگەهێ لالش و هەموو ئەوان لایەنا کرن ئەوێن هاریکاری پێشکێشکرین.
تُتاح هذه الصورة أيضا في: کوردی