نڤیسینگەها لالش ل دێرەبوونێ سالڤەگەرا جينۆسايدا ئێزديان ساخكر
تۆرا لالش:
ل ژێر دروشمێ (چیایێ شنگالێ چ جارا ژ چیایێن کوردستانێ جودا نابت وئەم ئێزدی کوردستانێ ب وارگەهێ خۆدزانن)،ئيرۆ 2ى ته‌باخا 2022ێ سالڤەگەرا هەشتێ یا کۆمکۆژیا ئێزديان شنگال ل سەرئاستەکێ بلند یێ حکومی وحزبى ب چەندين چالاکیان هاته ساخكرن.
پشتی خۆله‌كه‌ك راوەستیان ل سەرگیانێ جانگۆريێن کوردو کوردستانێ وقوربانیێن کۆمکۆژیا ئێزديان،چه‌ند په‌يڤ ژئاليێ رێزان کچل بەرپرسێ نڤیسینگەها لالش ل دێره‌بوونێ و عادل ئەمین بەرپرسێ لیژنا رزگاری یا پارتی هاتنه پێشكێشكرن.
لدووڤدا برگەيێن چالاکیێ دەستپێکرن ب پشکداريا دەنگبێژان(خه‌لۆ شنگالی ،مه‌حمود شنگالى،فرهاد قبال،عزەت خێرۆ)،دیسان هەردوو هۆزانڤانان جميل جيلكى و عامر قيرانى ب دەنگێن خۆ دەربرینا ئەڤێ رۆژێ کرن.
ل برگا دووێ دا ژئالیێ نڤیسینگەها لالش دێرەبوونێ خەلاتێن رێزلێنانێ هات پێشکێشکرن بۆ دام ودەزگەهێن حکومی وحزبی ل دەڤەرێ ژبۆ کاروئەرکێن وان یێ پیرۆز هەر ژ ٣ /٨ / ٢٠١٤ تانهۆ ژبلی خزمەتکرنا خوه‌جهێ دەڤەرێ ل بەر بارێ ئاوارەيان ژی رابوون.
تُتاح هذه الصورة أيضا في: کوردی