دەستەیا بلندا بنگەهێ لالش دوو پەرتووک ناساندن
دهۆک- تۆڕا لالش یا ڕاگەهاندنێ
ئیرۆ پێنچشەمبوویێ(٢٤-ـی ١١ـی ٢٠٢٢)ـێ ل پارێزگەها دهۆکێ ب بەرهەڤییا ژمارەیەکا زۆر یا ڕەوشەنبیر و کەسایەتیان، دەستەیا بلندا بنگەهێ لالش یێ ڕەوشەنبیری و کۆمەڵایەتی دوو پەڕتووک د ڕێ و رسمەکا تایبەتدا ناساندن.
پشتی خۆلەکەک ڕاوەستیانێ، ڕێزدار( سەعید جردۆ)، سەرۆکێ دەدتەیا بلندا بنگەهێ لالش ب خێرهاتنا هەموو میڤانان کر و پیرۆزباهیی ل نڤیسەرێن هەردوو پەرتووکان کر، و بەحسا پلانا ستراتیژیا سێ ساڵییا بنگەهی کر کو گرنگییەکا مەزن ددەتە بەرهەمێن نڤیسینێ، و دیارکر، ئیک ئیک کارێن سەرەکی یێن بنگەهی گرنگیدانە ب دیرۆکا ئێزدیان د چارەچۆڤێ نڤیسین و ئەرشیفکرنێ دا.
پاشان، پەنەلی ژ ئالیێ مامۆستا (شیمال خەمۆ) ـڤە هاتە بڕێڤەبرن، نڤیسەر (جەلال خرمش) خواندنەک بۆ پەرتووکا( اوسمة الخلود، إبادة الايزيديين ابان احتلال تنظيم دولة الاسلامية(داعش) لموطنهم التاريخي في شنگال) یا نڤیسەر( خەلەف حەجی حەمەد) کر. و هەروەسان(عەلی بەندی)، بەحسا پەرتووکا خۆ یا ب ناڤێ(کۆچا ملیۆنی….تراژیدیا..بیرهاتن….قوربانی) کر.
ل دوماهیێ ژی ڕێ و رسمێن ئیمزاکرنێ دەستپێکرن و پەرتووک ب سەر بەرهەڤبوویان دا هاتنە بەلاڤکرن.
تُتاح هذه الصورة أيضا في: کوردی