سمينارهك ل دۆر چاوانیا خۆ پاراستنێ ژ مادێن بێهۆشکەر ل باعهدرێ دئێته گێڕان
تۆڕا لالش:
ب مەرەما بەلاڤکرنا هۆشیاریا جڤاکی و پاراستنا گەنج و لاو و خێزانان ،ئیرۆ رۆژا 28ى ئهيلولێ،بنگەهێ لالش تایێ باعەدرێ ب هەڤکاری دگەل لیژنا ناوچا باعەدرێ سمینارەك ل دۆر بابەتێ (مادێن بێهۆشکەر) بۆ رائید “شڤان مهحمود” ل هۆلا ئامادەیا باعەدرێ گێڕا.
ڕێورەسمێن سمینارێ ب خێرهاتنا سمیناربێژی ژلایێ “خهلات باعهدرى” بەرپرسێ بنگەهێ لالش تایێ باعەدرێ ڤه دەستپێکر و ب ئامادەبوونا بەرپرسێ بەرپرسێ پشکا جەماوەری ل لیژنا ناوچا باعەدرێ میران سەباح و پارێزەر هێمن فهرهج خێرى بهگ و نوونەرێ ئێکەتیا مامۆستایێن باعەدرێ و مامۆستا و ژمارەکا زۆر یا قوتابیێن ئامادەیێ.
لدووڤدا سمیناربێژی ب تیر و تەسەلی ڕۆناهی ئێخستە سەر مادێن بێهۆشکەر و چاوانیا خۆ پاراستنێ و ڕێکارێن ناسینا وان ب شێوەیەکی تیوری و پراکتیکی، هەروهسا تەکەز ل سەر زیانێن وێرانکەرێن ڤان مادا ل سەر ژیانا تاکە کەسان و خێزان و ژناڤ چوونا ژیانا خەلکی كر.
ئەڤە و چەندین پرس و بابەتێن دیترێن بالکێش تەڤلی گۆتن و ئاخفتنێن خۆ گرنگ و مفادار کرن، کو قوتابیێن ئامادەیێ پێ زەنگین و شارەزا کرن.
پاشی ژی دان و ستاندنەکا گەرم لدۆر بابەتی هاتە کرن دناڤبەرا سمیناربێژی و ئامادەبوویان ب چەندین پرسیاران و ژلایێ بەڕێزی ڤە بەرسڤ ل سەر هاتە دان.
ل داویێ ژی قەڵغانێ ڕێزلێنانێ ب سمیناربێژی هاتە بەخشین هەمبەر کەد و خزمەت و ماندووبوونا وی د نەهێلانا ڤێ پرسا مەترسیدار ل سەر جڤاکی.
تُتاح هذه الصورة أيضا في: کوردی