نادیا موراد بوویە سمبول بۆ هەموو ژنان
تۆرا لالش یا راگەهاندنێ/بەختیار قادر
چالاكڤانەكا ئێزدی دبوارێ ئافرەتێ دا دبێژت،كارەساتا شنگالێ مەزنترین بوویەر بوو ب سەرێ خەلكێ شنگالێ یێ بێ گونەه دا هاتی،دناڤا وێدا ژی قوربانی و ئێشا هەرا مەزن بەهرا ژنا ئێزدی كەفت.
دلڤێن رەشید،چالاكڤانا ئێزدی دبوارێ ئافرەتێ دا بۆ(تۆرا لالش یا راگەهاندنێ)گۆت:”سەرەرای ڤان هەموو نەخۆشیان ژنا ئێزدی هەر خۆ راگرتیە و بەردەوامی ب ژیانێ دایە،نمونەیێن ژ كچێن هاتینە گرتن كو نۆكە پەیاما ئاشتیێ ل سەرانسەری جیهانێ دگەهینن ئەو ژی بالیۆزا ئاشتیێ و رزگاربوویا ژ دەستێ داعشێ نادیا موراد بوویە سمبول ژبۆ هەموو ژنان”.
چالاكڤانێ ئەو ژی ئاشكەراكر:”كارەساتا ب سەرێ خەلكێ شنگالێ هاتی، دناڤا وێدا ژی قوربانی و ئێشا هەرا مەزن بەهرا ژنا ئێزدی كەفت”.
دلڤینێ زێدەتر گۆت:”گەلەك یا گرنگە جڤاكێ نێڤ دەولەتی و حكوومەتێن هەرێما كوردستانێ وعێراقێ،پتر خۆ ل ژنا ئێزدی بكەنە خودان،كو هاریكاریا وان ژهەموو لایان ڤە بكن،داكو ئەو ژی بكارن ژیانێ ب خۆشی دەرباز بكن”.
تُتاح هذه الصورة أيضا في: کوردی