ژنهكا ئێزدى دتهمهنێ 131 سالیێ دا ب تنێ ل كهمپهكا دهۆكێ دژیت
باسنيوز:
ژنهكا كورد یا ئێزدى ب ناڤێ (رهوشێ قاسم حسێن) د ژیێ 131 سالیێ دا كو ب تهمهنترین ژن ل دهۆكێ دهێته نیاسین، ژ بهر نهبوونا چو كهس و كاران، ب تنێ ل كهمپهكا ئاوارهیێن كوردێن ئێزدى ل پارێزگهها دهۆكێ دژیت.
رهوشێ قاسم حسێن، ب تهمهنترین ژن، بۆ (باسنیوز) دیار كر، ل سالا 2014 ل دهمێ كارهساتا شنگالێ ئهز ژ شنگالێ ئاوارهیى پارێزگهها دهۆكێ بوویمه و نها ل كهمپا كهبهرتو2 ب سهر ناحیا فهیدیێ ڤه ل قهزا سێمێلێ دژیم و گۆت ژی: من دژیانا خوه دا چهندین كارهسات و فهرمانێن ب سهر ئێزدیان دا هاتینه، دیتیه، بهلێ فهرمانا تیرۆرستێن داعش ب سهرێ كوردان ئیناى ژ ههموویان دژوارتربوویه.
ئاشكرا ژى كر، كو كوردێن ئێزدى گهلهك نهخۆشى و دهردهسهرى دیتنه و كارهساتا شنگالێ ژ ههموویان گرانتر بوویه و نها ئه زب تنێ د بن خیڤهتهكێ دا ل كهمپا كهبهرتۆ2 دا دژیم.
كورێ رهوشێ ب ناڤێ (قاسم) كو ل ههمان كهمپ دا دژیت و خیڤهتا وى و خێزانا وى ب رهخ دایكا وى ڤهیه بۆ (باسنیوز) دیار كر كو رهنگه دایكا من بهێته هژمارتن ب تهمهنترین ژن د جیهانێ دا و پێدڤیه كار بۆ هندێ بهێته كرن ناڤێ دایكا من د پهرتۆكا (گینس) دا بهێته تۆماركرن وهكو ب تهمهنترین ژنا ئاواره.
تُتاح هذه الصورة أيضا في: کوردی