كچەكا ڕزگاربووی:خەونا منە ببمە دادوەر و بەرەڤانیێ ژ كچ و ژنێن ئێزدی بكەم
تۆرا لالش:
كچەكا ڕزگاربوویا ئێزدی ژ دەستێن تیرۆرستێن داعش راگەهاند،ل دەمێ دەستێن داعش دا زولم و زۆرداری ل گرتیێن ئێزدی دهاتەكرن و دیمەنێن ئازار كێش بوون و مافێ مە وندابوویە،لەوا خەونا منە ببمە دادوەر داكو بەرەڤانیێ ژ كچ و ژنا ئێزدی بكەم.
فوزیە بەشار خەلەف،خەلكا شنگالێ یە ژ گوندێ وەردیێ،ل ساڵا 2014ێ ئەو و خێزانا خۆ ژلایێ رێكخراوا تیرۆرستیا داعشێ ڤە هاتنە گرتن وی دەمی تەمەنێ وێ 9 سال بوون و ل سەر دەستێ وان تیرۆرستان گەلەك ئازار دیتینە.
ل دۆر چیرۆكا خۆ فوزیایێ بۆ دەنگێ لالش گۆت:رێكخراوا تیرۆرستیا داعش گەنج و لاو كۆمكوژ دكرن و زارۆك و ژن د فرۆتن، چار سالان د دەستێ وان دابووم و ل ساڵا 2018 رزگاربووم ژ دەستێ وان و شادبووم ب كەسوكارێن خۆ و ئەو رۆژە بۆمن گەلەكا خۆش بوو، من دەست ژ ژیانێ بەرنەدە و ل سەر بجهئینانا خەونێن خۆ یا بەردەوام بووم و پالپشت بووم ژ برایێن خۆ یێن كچك را و كو ئێك ژ وان شەلەلا مێشكی هەیە و دبەمە نك نۆژداران و برایێ من یێ دی دچتە قوتابخانێ،ئەز ژی ل ڕێكخراوا(Our Bridge) كاردكەم و دگەل كچەكا دی ل وێدەر خوارنان چێدكەم.
تُتاح هذه الصورة أيضا في: کوردی