حکوومەتا هەرێمێ دەربارێ بەلێندەران چەند بریارەک دەرکرن
ئێن ئارتى
حکومەتا هەرێما کوردستانێ دەربارێ مامەلەکرنا کارێ بەلێندەران چەند بریارەک دەرکرن ژ وانان ژی دانا باجا دەرامەتا ب ئاوایێ چەکا بانکی ب مەرجەکی ئەو چەک ل سەر هەژمارا بەلێندەری ب خۆ بیت.
حکومەتا هەرێما کوردستانێ د ڕاگەهاندنەکێ دا کو ئەڤرۆ ٢٨ێ حوزەیرانێ دەرکریە دبێژیت “د کۆمبوونا دوهی یا جڤاتا وەزیران و وەزارەتا پلاندانان و وەزارەتا دارایی دا بریار هاتە دان ل سەر وێ یەکێ کو هەمی لایەن داخازێ ژ نووکرنا بارمتەیا یاسایی (خگاب چمان حسن التنفیژ) نەکەن ژ بەلێندەران بۆ کو نوو بکەن، ب وی مەرجی ئەو بارمتە بەرقەرار بیت بۆ دەمێ بنگەهین یێ ئەوی پرۆژەی و دەمێ چاکسازیێ (مدە الصیانە) و زێدەباری ئەڤێ هەر دەمەکێ دی ژ ئەنجامێ گوهاڕتنان د پرۆژەی دا، ژبلی وان دەمان کو ژبەر قەیرانان لێ خۆشبوونە”.
د وێ ڕاگەهاندنێ دا هاتیە “بۆ چ لایەنەکێ حکومی نینە داخازا پوچکرنا بارمتا یاسایی ژ بانکا گرێدایی بکەت”.
ڕاگەهاندنا حکومەتا هەرێمێ دبێژیت “ئەو بەلێندەرێن پرۆژەیێن وەبەرئینانا حکومی و پیتەپێدانا هەرێمێن خۆ د دەستدانە، ب ئاوایێ چەکا بانکی باجا دەرامەتێ بدەن، ب مەرجەکی ئەو چەک ل سەر هەژمارا بەلێندەری ب خۆ بیت و ب ناڤێ وی بیت”.
د خالەکا دی یا ڕاگەهاندنا حکومەتێ دا هاتیە “چێدبیت چەکێ پەسەند کری (صک مصدق) ل هەژمارا تایبەتا بەلێندەری ب خۆ بهێتە وەرگرتن و مامەلە پێ بهێتە کرن بۆ هەر حالەتەکی کو ژ بەلێندەری دهێتە داخازکرن، ب مەرجەکی پرۆژەیێ وەبەرئینانێ یان پەرەپێدانا هەرێمێ د ستویێ ئەوی بەلێندەری دابیت”.
تُتاح هذه الصورة أيضا في: کوردی