ماریا زاخارۆڤا:رۆسیا دێ بەردەوام پشتەڤانییا پێشمەرگەی کەت
وار
پەیڤدارا وەزارەتا دەرڤە يا رۆسیا راگەھاند؛ وەلاتێ وێ پشتەڤانییا ھێزێن کوردی ل ئیراق و سووریێ د شەڕێ دژی تیرۆرێ دا دکەت، لێ ئەو یەک، ب ھەماھەنگی دگەل حکومەتێن ناڤەندی دھێتە کرن.
ماریا زاخارۆڤا، پەیڤدارا وەزارەتا دەرڤە یا رۆسیا د کۆنگرەیەکێ رۆژنامەڤانی دا راگەھاند؛ رۆسیا ب رێیێن خوە یێن تایبەت ھاریکارییا ھێزێن پێشمەرگەی ل ھەرێما کوردستانێ و ھێزێن کوردی ل رۆژئاڤایێ کوردستانێ دکەت، لێ ئەو ھاریکاری ب ھەماھەنگی دگەل حکومەتا ئیراقێ و رژێما بەشار ئەسەدی دھێنە کرن.
زاخارۆڤایێ ئاشکرا ژی کر؛ کو ھاریکاریێن وان بۆ ھێزێن پێشمەرگەی دێ بەردەوام بن تا شەڕێ دژی تیرۆرێ ب دوماھی دھێت، ژبەر کو ھێزێن کوردی، رۆلەکێ بەرچاڤ د شەڕێ دژی رێکخستنا تیرۆری یا داعشێ دا ھەیە.
تُتاح هذه الصورة أيضا في: کوردی