ئهمریكا سهربازگهها گهیاره بۆ كونترۆلكرنا مووسلێ بهرههڤ دكهت
وار
سوپایێ ئیراقێ ب ههڤكارییا تیمهكێ سهربازیێ ئهمریكی دهست ب نووژهنكرنا سهربازگهها گهیاره ل باشۆرێ پارێزگهها مووسلێ كرییه، بۆ وێ یهكێ ببیته خالا دهستپێكرنا ئۆپهراسیۆنا رزگاركرنا وی باژێڕی.
وهزارهتا بهرگرییا ئیراقێ د بهیاننامهیهكێ دا ئاماژه ب وێ یهكێ دا، فهرماندهیهكێ پله بلند یێ ئیراقێ و هندهك ئهفسهرێن ئیراقێ دگهل ئالیێ ئهمریكی ل دۆر نووژهنكرنا فرۆكخانهیا گهیاره كۆمبووینه.
وهزارهتا بهرگرییا ئیراقی دا زانین د كۆمبوونێ دا باس ل پێدڤیێن سهرهكی یێن وێ سهربازگههێ هاتییه كرن، وهك دابینكرنا زێرهڤانێن تایبهت و پاراستنا وێ ژ هێرشێن داعشێ.
ل سهربازگههێ دێ جهێ دادانا فرۆكهیێن سی 130 و مهیدانهك بۆ مهشقا سوپایێ ئیراقێ و دابینكرنا پێدڤیێن لوجستی هێنه دروستكرن.
تُتاح هذه الصورة أيضا في: کوردی