ئینستاگرام لاسایی سناپ چات ڤهدكت
ZNA – ههولێر
تۆڕی کۆمەڵایەتی ئەنستاگرام گۆڕانکاری دەکات و، بەکارهێنەرانی دەتوانن لەمەودوا هاوشێوەی تۆڕی کۆمەڵایەتیی سناپ چات ستۆرییەکانیان بڵاوبکەنەوە کە لەماوەی 24 کاژێردا وندەبن.
رۆژی چوارشەمممە 3-8-2016 تۆڕی کۆمەڵایەتی ئەنستاگرام نوێترین گۆڕانکاریی لە لاپەڕەی فەرمی ئەنستاگرام بۆ بەکارهێنەرانی ئاشکرا کرد و، چەند رێنماییەکیشی لەمبارەیەوە بڵاوکردەوە و دەڵێ ” مەترسن لەوەی پۆستی زۆر بەسەر یەکەوە بکەن”.
شێوازی زیادکردن و بەکارهێنانی ستۆری ئەنستاگرام، هاوشێوەی سناپ چات دەبێت، لەمەوداوا بەکارهێنەرانی تۆڕی کۆمەڵایەتی ئەنستاگرام دەتوانن وێنە و ڤیدیۆکانیان بەشێوەی ستۆری لە ئەکاونتەکانیان لە ئەنستاگرام بڵاوبکەنەوە.
تۆڕی کۆمەڵایەتی ئەنستاگرام چەند رێنماییەکی بۆ بەشداربووانی تۆڕەکە ئاشکرا کردووە، کە دەیانەوێت ستۆری خۆیان لە ئەنستاگرام دابنێن، ئەمانەش بەشێکیانن.
– بەکارهێنەران دەتوانن راستەوخۆ وێنە و ڤیدیۆی خۆیان بەشێوەی ستۆری بڵاوبکەنەوە، کە لەماوەی 24 کاژێردا وندەبن.
– پێش ئەوەی ستۆریەکەت بڵاوبکەیتەوە دەتوانیت ئەو هاوڕێیانەت هەڵبژێریت کە دەتەوێت بیبینن، وەکو پۆستەکانی پێشووی ئەنستاگرام نییە کە هەموو فۆڵۆوەرەکانت دەیبینن.
– لەکاتی بڵاوکردنەوەی هەر وێنە و ڤیدیۆیەک دەتوانی بە تێکست یاخود وێنەکێشان رای خۆت لەپاڵی دەرببڕی.
– ئەگەر بتەوێت ستۆری کەسێک ببینی ئەوا راستەوخۆ کلیک لەسەر وێنەی سەر پرۆفایلی ئەنستاگرامەکەیان بکە چونکە، بەمشێوەیە ئاسانترە.
– گۆڕانکارییەکان لەماوەی چەند هەفتەیەکدا بۆ سیستەمی ios و ئەندرۆید بەردەست دەبن.
تُتاح هذه الصورة أيضا في: کوردی