چو گوھۆرینێن بلەز د پەیوەندیێن تورکیا و روسیا دا دروست نابن
ئەڤرۆ نیوز:
محەمەد عەلی گولەر بسپۆرێ کاروبارێ رۆژھەلاتا ناڤین بۆ کەنالێ خەبەر تورک یێ تورکیا راگەھاند کو چو گوھۆرینێن وەسا بلەز د پەیوەندیێن روسیا و تورکیا دا دروست نابن، چونکو سەبارەت ب وزێ، پەیوەندیێن دەرڤە و ب تایبەتی ژی ئاریشێن ل سووریێ ناکۆکیێن مەزن د ناڤبەرا تورکیا و روسیا دا ھەنە و ژ بەر ھندێ ئەز باوەر ناکەم پەیوەندیێن ھەر دو ئالیان وەسا زی ئاسایی ببن.
ناڤھاتی ھەروەسا دیار دکەت کو ئەردۆگانی بۆ پوتینی دیار کریە کو ئەو نەشێت سیاسەتا خوە ل ھەمبەر بەشاری وەسا زوو ب گوھۆریت و ژ بەر ھندێ ژی روسیا ل ھەمبەر تورکیا دێ کارتا فشارێ یا پارتیا ئێکەتیا دیموکراتیک بکار ئینیت و ل ھەمبەر وێ ژی تورکیا دێ بەردەوام پشتەڤانیێ ل ئۆپۆزسیۆنا سووریێ کەت و ھەتا تورکیا دەستان ژ ھاریکاری کرنا ئۆپۆزسیۆنا سووریێ بەرنەدەت تورکیا ژی دێ ھاریکاریا پارتیا ئێکەتیا دیموکراتیک (PYD) کەت و ئەو یەک ژی نێشا ددەن کو جارێ گەلەک ناکۆکی د ناڤبەرا تورکیا و روسیا دا ھەنە و پوتین ژی باش دزانیت کو تورکیا وەسا زوو خوە ژ رۆژئاڤا دوور ناکەت و ژ بەر ھندێ ژی روسیا چو پێنگاڤێن بەرچاڤ د دەمێن نێزیک دا سەبارەت ب باشکرنا پەیوەندیێن خوە ل گەل تورکیا نائاڤێژیت و ل گۆر پێشھاتێن نوو دێ ھەر دو ئالی ھەلویستێ خوە دیار بکەن، ژ بەر ھندێ ژی نابیت ئەم چاڤەرێ بین ب سەرەدانەکێ ھەموو تشتەک د ناڤبەرا تورکیا و روسیا چارەسەر ببن.
تُتاح هذه الصورة أيضا في: کوردی