ژنێن ئێزدی ل سەنگەرێن شەری بەرخودانێ و شەرێ تیرۆرێ دكن
دەنگێ لالش،جیهان عەبۆ
دفەرمانا 74 ێ دا یا ب سەرێ ئێزدیان هاتی ل شنگالێ،ژنا ئێزدی قوربانیا هەرە مەزن بوو،سەرەرای كاودانێن نەخۆش ژنا ئێزدی خۆراگر مایە و بەردەوامی دایە ژیانا خۆ و بوویە سومبلا ئاشتی و پێكڤەژیانێ و پەیاما ژنان رادگەهینت ل هەموو كۆنفرانسێن نێڤ دەولەتی و بەحسا وێ زوولما ب سەر ژنان دە هاتی دكت،ئیرۆ هندەك ژ وان ل سەنگەرێ شەری بەرخودانێ و شەرێ تیرۆرێ دكن.
چالاكڤان دبوارێ مافێ ژنا ئێزدی دە(ریسالە شەركانی) گۆت: ئازایی و بەرخودان و خۆراگریا ژنا ئێزدی ل ڤی رەوشا نۆكە یا سەخت و د ژواردا،دكارم بێژم ژنا ئێزدی ئیرۆ بوویە سومبلا بەرخودانێ و ژنێن جیهانێ،ژبەركو ل وەلاتێن دونیایێ ژ ئەمریكا و ئەوروپا و هەتا وەلاتێن ئەرەبی و رۆژهەلاتا ناڤین ژنێن پتریا ڤان وەلاتان د ئارامیێ دە دژین و بی ترس ژیانا خۆ ب رێڤە دبەن،ئەڤ چەندە ب سایا سەرێ ژنێن ئێزدینە،كو ئیرۆ هندەك ژ وان ل سەنگەرێ شەری بەرخودانێ دكن و شەرێ تیرۆرێ دكن و ئیرۆ ئەڤ تیرۆرە نە تەنێ دوژمنێ مە ئێزدیانە،بەلكو دوژمنی هەر كەسەك و هەر وەلاتەكی ئاشتی خواز و دیموكراسی خوازە،ژنا ئێزدی كاری خۆ ژ دەستێ ڤان مرۆڤێن نەساخ دەروونی رزگار بكت،هێڤی دكەم ژ جڤاكێ ئێزدی هاریكاری و پشتەڤانیا كچ و ژنێن خۆ یێن زوولم لێ بووین بكن.
رۆژنامەڤانا كچ (دلڤین رەشید)دبێژت:پشتی كارەساتا شنگالێ هاتیە ئەنجام دان ژلایێ دوژمنی مرۆڤاتیێ ڤە ب سەدان خەلكێ بێ گونەه بوو قوربانی و ب تایبەت ژی ژنا ئێزدی،لێ سەرەرایی ئەڤان هەموو كاودانێن نەخۆش بگرە ژ رەڤاندن و كوشتن و دەربەدەریبوونێ یا ژنا ئێزدی دیتی لی هەر خۆراگر مایە و بەردەوامی دایە ژیانا خۆ،ژبەركو مە چەند نموومە هەنە ژ وان رێكخراوا (داك ژبۆ گەشەپێدانا ژنا ئێزدی) كار دكت ،ئەڤ رێكخراوە بوویە پشتەڤان بۆ كۆمەكا ژنێن ئێزدی وەك خۆبەخش كاركرن دناڤا وێ رێكخراوی دا ژنێن رەڤایایی ژی هەبوون و كاركرن ژبۆ هشیاریا ژنا ئێزدی،ئەڤە وێ چەندی دگەهینت ژنا ئێزدی ب تایبەت یا شنگالێ خۆراگربت.
هەروەسا چالاكڤان(نیهاد رەمزی) خویاكر، هەر ژ كەڤندا و هەتا نۆكە هەموو گاڤە ژن قوربانیا كارەساتا بوویە،لێ مخابن ئەڤ فەرمانا 74 یا ب سەرێ ئێزدیان هاتی ل شنگالێ، ژنا ئێزدی قوربانیا هەرە مەزن بوو و دونیا یا بێ دەنگە بەرامبەر ئەڤا ب سەرێ كچ و ژنێن ئێزدی دا هاتی ، ئەڤ رۆژە خالەكە رەشە دروویێ گشت مرۆڤایەتیێ دا كو چاوا دەیك زارۆكێ خۆ ل سەرێ چیایێ شنگالێ پاڤێژت تاكو ژیانا زارۆكێن خۆ یێن دی قورتال بكت،هەروەسا سەر ڤان كاودانێن دژوارێن ب سەرێ ژنا ئێزدی هاتین هندەك ژ وان كاری خۆ ژ زیندانێن هۆڤێن داعشێ رزگار بكن و بەردەوام بن ل سەر ژیانا خۆ ل بن خیڤەتان دا لبەر گەرمێ و سەرمایێ و ژیانا زارۆكێن خۆ ب زەحمەترین شێوە ب رێڤەببەن،هەردەم دەیك خۆ دكەتە قوربانی بۆ زارۆكێن خۆ،داخوازێ دكەم دەرفەتێن كاری بۆ ژنێن رزگاربووی بێنە دابینكرن،تاكو بكارن خۆراگربین و تووشی رەوشا دەرونیا خراب نەبن.
بەرپرسا رێكخراوا داك بۆ گەشەپێدانا ژنا ئێزدی(سوزان سەفەر) دیاركر،ئیرو ئەم سەر بلندین ب ژنا ئێزدی و ب تایبەت ژنا شنگالێ ،چنكو ژنا ئێزدی بوویە سومبلا ئاشتی و پێكڤەژیانێ و پەیامە ژنا ئێزدی رادگەهینت ل هەموو كۆنفرانسین نێڤ دەولەتی و بەحسا وێ زوولما ب سەر ژنان دە هاتی دكت و پەیاما رزگاربووی(نادیا موراد) باشترین نموونەیە بۆ خۆراگریا ژنا ئێزدی،ژنێن هەردەم قەهرەمان بووینە،ژبۆ رزگاركرنا خووشك و برایێن خۆ ئاخا شنگالێ ب تەمامی و پاراستنا مەزارگەهێن خۆیێن پیرۆز د سەنگەرێ بەرخودانێ دە،شەری دكت ژبۆ ژیانێ.
تُتاح هذه الصورة أيضا في: کوردی