بنگەهێ لالش كەمپینەك بۆ نێزیكی 120قوتابیێن شنگالێ ڤەكر
تۆرا لالش یا راگەهاندنێ
بنگەهێ لالش یێ رەوشەنبیری و كۆمەلایەتی ل دهۆكێ ب پشتەڤانیا پارێزگەها دهۆكێ و ریكخراوا هاریكار،كەمپینەك بۆ رەوشەنبیریا نەتەوەیی بۆ ماوی هەفتیەكێ ل سەیرانگەها ئامەد ل ناوچەدارییا زاویتە،بۆ نێزیكی 120قوتابیێن شنگالێ یێن تێكرایێ وان ژ 90ێ پێهەل دا ڤەكر.
شێخ شامۆ،سەرۆكێ دەستەیا بلندا بنگەهێ لالش،ئیرۆ 24/8/2016،سەرەدانا ڤێ كەمپینێ كر و ژنێزیك ڤە هایداری رەوشا وان بوو كا رەوشا وان چاوایە و دكورتە پەیڤەكێ دا پیرۆزباهی ل وان كر و پشتەڤانیا زێدەتر بۆ وان دیاركر و شیرەت و راسپاردە پێشكێشی وانكرن و دپەیڤا خۆدا بۆ قوتابیان گۆت:”وەختی خۆ ب هەروە ژ دەست نەدەن و سمینار و برگێن دئێنە كرن مفای ژێ بكن و سبێ هون دێ بنە نۆژدار و ئەندازیار و پارێزەر و دوان كاودانێن ب زەحمەت و رەوشا نەخۆش دا وە كاری وان تێكرایا بینن،وەك وەفاداری بەرامبەری تێكرایێن وە مە هون ژ هەژی دیتن خزمەتا كچك پێشكێشی وە بكن،دا هون ژی پچەكێ ژ وێ نەخۆشی و ئازاران دوور كەڤن”.
ئەڤ كەمپینە تایبەت بوو بۆ نێزیكی 120قوتابیێن شنگالێ یێن شەشێ ئامادەیی یێن تێكرایا %90ێ و پێهەل دا ب دەست خۆ ڤە ئیناین،كوپێشتر سەرۆكێ بنگەهێ لالش درۆژا خەلاتكرنا ڤان قوتابیان دا سۆزدا بوو كەمپینەكێ ڤەكت و سۆز ب جی هات و ئەو قوتابی هەموو كۆمبوون و ئامادەكاری هاتنە كرن بۆ ب رێڤەبرنا كەمپینێ و هەموو پیتڤیێن ژیانێ لگەل برگێن جۆراوجۆر و سیاسی و رەوشەنبیری و كۆمەلایەتی و هۆنەری و ساخلەمی و هەموو ئالیێن ژیانێ ڤە و سمینار و برگە،بۆ ئاڤەكرنا كەساتیەكا ب هێزتر بۆ ئامادەبوویێن ژقۆناغا كولیژان را.
تُتاح هذه الصورة أيضا في: کوردی