ب سهرۆكاتیا نێچیرڤان بارزانی شاندێ ههرێمێ ئهڤرۆ دێ ل گهل عهبادی ڤان بابهتان گهنگهشهكهت
ئهڤرۆ نیوز:
نێچیرڤان بارزانی سهرۆكێ حوكمهتا ههرێما كوردستانێ ب سهرۆكاتیا شاندهكێ بلندێ ههرێمێ دێ چیته بهغدا و بڕیاره ل گهل حهیدهر عهبادی سهرۆك وهزیرێن عیراقێ و لایهنێن شیعه كۆم ببیت.
شاخهوان عهبدولا ئهندامێ جڤاتا نوونهرێن عیراقێ ژ فراكسیۆنا پارتی راگههاند شاندێ ههرێمێ ئهڤرۆ رۆژا دوشهمبی دێ سهرهدانا بهغدا كهت و ب سهرۆكاتیا نێچیرڤان بارزانی یه.
ژێدهرهكێ ژ نڤیسینگهها حهیدهر عهبادی، سهرۆك وهزیرێن عیراقێ راگههاند كو شاندێ ههرێمێ ب سهرۆكاتیا نێچیرڤان بارزانی و ئهندامهتیا رۆژ نوری شاویس جێگرێ بهرێ یێ سهرۆك وهزیرێن عیراقێ و فوئاد حسێن سهرۆكێ دیوانا سهرۆكاتیا ههرێمێ و فهلاح مستهفا بهرپرسێ فهرمانگهها پهیوهندیێن ژ دهرڤه ل حوكمهتا ههرێما كوردستانێ دێ گههنه جڤاتا وهزیران ل عیراقێ و ل گهل حهیدهر عهبادی كۆم بن.
ئهوی ژێدهری گۆت: “بڕیاره سێ تهوهر بهێنه بهحسكرن؛ شهرێ مووسل و دوسیا پهترۆلێ و بابهتێ وهرگرتنا باوهریێ ژ هشیار زێباری كو شیعه پشتهڤانیا وی بكهن”.
تُتاح هذه الصورة أيضا في: کوردی