عەبادی ھەلوەستێ خوە ل سەر ژێستاندنا باوەریێ ژ زێباری راگەھاند

عەبادی ھەلوەستێ خوە ل سەر ژێستاندنا باوەریێ ژ زێباری راگەھاند

waar – دهوك :

سەرۆکوەزیرێن ئیراقێ ھەلوەستێ خوە ل ھمبەری ژێستاندنا باوەریێ ژ ھشیار زێباری راگەھاند، رەخنەیێن توند ژی ل پەرلەمانتاران گرتن.

پشتی کۆمبوونا جڤاتا وەزیران، د پرێس کۆنفرانسەکی دا، حەیدەر عەبادی، سەرۆکوەزیرێن ئیراقێ گۆت؛ دەستوور روون و ئاشکرایە و رێزێ ل وی مافی دگریت، لێ نابیت یا ب ئارمانج بیت، پێدڤییە پەرلەمان ب کریار ب رۆلێ چاڤدێریێ رابیت، ژ بەرکو ھندەک سەرپێچیان پەیوەندی ب لێپرسینێ ڤە نینە.

عەبادی گۆت ژی؛ گەر گەندەلی ھەبیت، راپۆرتا چاڤدێری ژی دێ ھەبیت، و ئەو یەک ئەرکێ سەرۆکێ وەزیران نینە چاڤدیریا دارایی و راپۆرتێن سالانە پێشکێشی پەرلەمانی بکەت.

عەبادی رەخنەیێن توند ل پەرلەمانتاران گرتن و گۆت؛ پەرلەمانتار نوونەرێن گەلن و پێدڤییە د گەل گەلێ خوە زەلال بن، نابیت ل نک خەلکی تشتەکی بێژن و تشتەکێ دی ب نھێنی بکەن، گەر پەرلەمانتاران باوەری ژی ب وەزیرەکی نەبیت، بلا ب روون و ئاشکرایی بەرپرساتیا خوە بجھـ بینن و ژ پۆستێ وی لادەن.

تُتاح هذه الصورة أيضا في: کوردی