مهسعوود بارزانی: پێدڤیه گهل بریارێ ل سهر ههلبژارتنا سهرۆكێ ههرێمێ بدهت
waar – دهوك
سهرۆكێ ههرێما كوردستانێ د ههڤدیتنهكا كهنالهكێ فرهنسی دا گۆت: پێشمهرگهی ل گهل سوپایێ ئیراقێ پلانا رزگاركرنا مووسلێ دارێشتیه و ئهو نه لگهل چو هێزهكا كوردیه یا ب شهری داخوازا مافێن خوه بكهت.
مهسعوود بارزانی سهرۆكێ ههرێما كوردستانێ د ههڤدیتنهكا كهنالێ فرانس 24 یێ فرهنسی دا راگههاند: ئهو بهرههڤه بۆ كرنا ههلبژارتنێن سهرۆكاتیێ، لێ ب مهرجهكی ریفراندۆم ل سهر چهوانیا ههلبژارتنێ بهێته كرن كا ئهرێ ئێكسهر ب ههلبژارتنێن گهلی سهرۆك هێته ههلبژارتن، یان ژ ئالیێ پهرلهمانی ڤه.
گۆت ژی: پێدڤیه گهل بریارێ ل سهر ههلبژارتنا سهرۆكی بدهت، نهكو ئهو بریاره د دهست هندهك پارتێن سیاسی دا بیت.
سهبارهت پلانا رزگاركرنا مووسلێ بارزانی ئاشكهرا كر: سهركردهیێن پێشمهرگهی ل گهل فهرماندهیێن سوپایێ ئیراقێ پلانا رزگاركرنا مووسلێ دارێشتیه و یا گرنگ ههماههنگی ههبیت ل سهر پرسا ب رێڤهبرنا وی باژاری ل پشتی رزگاكرنا وی ژ دهست داعشێ.
ههروهسا سهرۆكێ ههرێمێ ههلویستێ خوه ل سهر پرسا رۆژئاڤایێ كوردستانێ ژی نیشاندا و راگههاند: پهیهدێ رهوشا رۆژئاڤایێ كوردستانێ قورخكریه و رێنادهته رێكخستنێن دی كارێن خوه، و دا زانین ژی: ئهو نه لگهل چو پارتهكا كوردیه ب شهری داخوازا مافێن خوه بكهت.
تُتاح هذه الصورة أيضا في: کوردی