ئیراق: چو رێککەفتنێن نوو یێن پەترۆلێ د گەل ھەرێما کوردستانێ نینن
waar – دهوك
وەزارەتا پەترۆلا ئیراقێ راگەھاند؛ چو رێککەفتنێن نوو یێن پەترۆلێ د گەل حکومەتا ھەرێما کوردستانێ دا ئیمزا نەکرینە، تا نھا ژی کار ب رێککەفتنا بەری نھا دھێتە کرن و بودجەیا سالا ٢٠١٧ێ ل سەر وێ یەکێ ھاتیە تەخمینکرن.
ل دۆر ھنارتنا پەترۆلا کەرکووکێ ژی، وەزارەتا پەترۆلا ئیراقێ راگەھاند؛ راوەستاندنا ھنارتنا پەترۆلێ ب رێکا بۆریا کەرکووک – جەیھان، ژ ئەگەرێ تێکچوونێ بوو، پێنج مەھێن بووری ھنارتنا پەترۆلێ ژ کەرکووکێ راوەستیا بوو.
وەزارەتا پەترۆلا ئیراقێ دوپات ژی کر؛ دخوازن ھەمی بیرێن پەترۆلا کەرکووکێ کۆنترۆل بکەن، یێن بەری ھاتنا داعشێ وان ب رێڤە دبرن، ھەروەھا ئەوێن پێشمەرگەی ژی دەست ب سەردا گرتی.
ئەڤە ددەمەکی دایە؛ ھەرێما کوردستانێ قەبارەیێ ھنارتنا پەترۆلا خوە بۆ بەندەرێ جەیھان یێ تورکی زێدەکر، ئەڤ زێدەبوونە ژی، پشتی سەرەدانا داویێ یا نێچیرڤان بارزانی بۆ بەغدایێ ھاتییە.
تُتاح هذه الصورة أيضا في: کوردی