ئهمریكا پشتهڤانییا خوه بۆ هێزێن پێشمهرگهی دوپاتكر
waar – دهوك :
ویلایهتێن ئێكگرتی یێن ئهمریكا، پشتهڤانییا خوه بۆ هێزێن پێشمهرگهی دوپاتكر، پهڕلهمانتارهك ژی دبێژیت: ئهمریكا گههشتییه وێ باوهریێ كو هاریكاریێن سهربازی راستهوخوه بۆ پێشمهرگهی بهنیریت.
شاخهوان عهبدوللا پهڕلهمانتارێ پارتی ل جڤاتا نوونهرێن ئیراقێ بۆ وار گۆت: دووهم لیستا داخوازیێن هێزێن پێشمهرگهی بۆ ئهمریكا هاتیه هنارتن و د كۆمبوونا وان یا دگهل بالیۆزێ ئهمریكا دا ل ئیراقێ، جارهكا دی بالیۆزی تهماما پشتهڤانیا وهلاتێ خوه بۆ هێزێن پێشمهرگهی دوپاتكرییه و راگههاندییه كو بۆ شهڕی مووسلێ، واشنتۆن دێ ههماههنگیهكا زێدهتر دگهل هێزێن پێشمهرگهی كهت.
وی پهڕلهمانتاری گۆت ژی: ئێدی ئهمریكا گههشتییه وێ باوهرێ كو بهغدا قۆرخكاریێ دكهت و چهك و پێدڤیێن سهربازی یێن بۆ پێشمهرگهی دهێن، دروست رادهست ناكهت، لهو ئیدارهیا واشنتۆن ل رێیهكێ دگهریت كو هاریكاریێن سهربازی راستهوخوه بۆ پێشمهرگهی بهنێریت.
تُتاح هذه الصورة أيضا في: کوردی