قەدەغەیا ئینان و برنێ کەفتە سەر تەلەفۆنا سەمسۆنگ
waar – دهوك :
ژ سەدەما پەقینا پاترییێ، قەدەغەیا ھاتن و چوونێ د ناڤا فرۆکەیان دا کەفتە سەر تەلەفۆنا نوو یا سامسۆنگ نۆت حەفت.
بنگەھێ ئێکگرتی یێ جیھانی یێ فرینێ بەیاننامەک ل سەر تەلەفۆنا سەمسۆنگ گالاکسی نۆت حەفت بەلاڤ کر و تێدا قەدەغەیا پرکرنا کەھرەبێ و ھاتن و چوونا وێ تەلەفۆنێ دا د ناڤا فرۆکەیان دا دانا سەر وان تەلەفۆنان.
ژێدەران دیار کر: تەلەفۆنا گالاکسی نۆت حەفت ژ سەدەما پاترییا لیسیۆم د دەمێ پرکنا کەھرەبێ دا د پەقین و ھند جاران ژی رۆھن ڤەدبیت، گەلەک بکارئینەرێن نوت حەفتێ ژی گازندنا وێ یەکێ دکەن.
ئەڤە د دەمەکی دایە کو کۆمپانییا سامسۆنگ یا بەرھەم ئینانا تەلەفۆنێن زیرەک دو ملیۆن و پێنج سەد ھەزار تەلەفۆنێن ژ وی جوری بەرھەم ئینابوون و بەلاڤکربوونە د ناڤا بازارێن جیھانی دا.
تُتاح هذه الصورة أيضا في: کوردی