نایف سەیدۆ: كەسێن نەناسیار ترۆمبێلێن جام رەش و بێى ژماره فتنێ دروست دكن
باسنيۆز:
رێڤەبەرێ ناحیا سنوونی دیاركر ل شاری سنوونی ب ترۆمبێلێن چام رەش و بیێ ژمارە هندەك كەس خەریكی فتنە یانە ، هەولددەن دوو بەرەكی وئاریشەیان ل دەڤەرێ دروست بكەن دناڤبەرا خەلكێ دا، ئەم نزانین ئەو كەس ب سەر كێڤە نە، خەلكێ پێدڤی لایەنێن دەرەكی ل دەڤەری نینە.
نایف سەیدۆ، رێڤەبەرێ ناحیا سنوونی بۆ ( باسنیوز) دیاركر هندەك كەس ژ وەلاتێن توركیا و سوریا هاتینە دەڤەرا سنوونێ وهەولددەن فتنەیان دروست بكەن. ل سەر داخوازیا خەلكێ شارێ سنوونی گەلەك جاران داخوازی هاتیە كرن ئەو كەس ولایەنێن سیاسی یێن ژ دەرڤە هاتینە دەڤەری جارەكا دی دەڤەرێ چول بكەن بۆ وی چەندی خەلك تووشی ئاریشەیان نەبن بشین ڤەگەرنە سەر حالێ خۆ، نوكە خەلكی سنوونی پێدڤی لایەنێن دەركی نینە چونكو پێشمەرگەی قەرەمانێن كوردستانێ ئارامیا دەڤەرێ پاراستی.
سەیدۆ ئاشكرا كر ئەو كەسێن نە ناسیار هەولێن تێكدانا برایەتی ل ناڤبەرا خەلكی و لایەنێن سیاسی ددەن، دەمێ ترۆمبیلەكا جام رەش و بیێ ژمارە ئاریشەكێ دروست دكەت كەس نوزانت كیە و سەر ب كێڤە یە.
زێدەتر گۆتژی:” هەتا نوكە پتر ژ حەفت هزار خێزانان یێن ڤەگەریاینە دەڤەرێ و بەردەوام خەلك زڤرنە مالێن خۆ. ئەم داخوازی دكەن ریگری ل ترۆمبێلێن جام رەش و بیێ ژمارە بهێتە گرتن و كار بۆ ڤەگەراندنا خەلكێ بهێتە كرن”.
تُتاح هذه الصورة أيضا في: کوردی