زهلمای خهلیلزاد: ئهمریكا دێ رۆلهكێ گرنگ د سهرخوهبوونا كوردستانێ دا ههبیت
waar – دهوك :
دیپلۆماتكارهكێ ناسیارێ ئهمریكا راگههاند: ئهمریكا دێ رۆلهكێ گرنگ د سهرخوهبوونا كوردستانێ دا ههبیت و رێككهفتن ل گهل بهغدا ل سهر ڤێ مهرهمێ، دێ ئاسانكاریان دروست كهت بۆ دانپێدانێ ب دهولهتا كوردی.
زهلمای خهلیل زاد، بالیۆزێ ئهمریكا د ناڤبهرا سالێن 2005ێ تا 2007ێ ل ئیراقێ د پهراوێزا كۆنگرهیهكی دا ئاشكهرا كر: پێدڤیه ئالیێن كوردی ناكۆكیێن خوه بداننه ئالیهكی و هزر د بهرژوهندا كوردستانێ دا بكهن و نابیت كورد پاشهرۆژا خوه بكهنه قوربانیێن ناكۆكیێن د ناڤبهرا حزبان دا.
گۆت ژی: ئهمریكا سهبارهت سهربخوهیا كوردستانێ و كۆمبوونێن د ناڤبهرا حكومهتا فدرال و سهركردهیێن ئیراقێ دێ رۆلهكێ گرنگ ههبیت.
بالیۆزێ بهرێ یێ ئهمریكا ل ئیراقێ خوهیا ژی كر: جیهان ب گرنگیهكا مهزن تهماشهی كوردستانێ دكهت و ههمی ژی هایدارن ل سهر رهوشا نافخوهیا ههرێمێ، لهوما پێدڤیه ئالیێن سیاسی پێكڤه لگهل سهرۆكێ ههرێمێ كۆمببن و كار ژ بۆ بهرژوهندیێن كوردستانێ بكهن.
تُتاح هذه الصورة أيضا في: کوردی