رێكخراوەك قوتابخانەكا دێرەبوونێ نووژەن دكت
تۆرا لالش یا راگەهاندنێ
ژبۆ پتر گرنگیدان ب كەرتێ پەروەردێ و پرۆسا خووندنێ،رێكخراوا قەندیل ب هەڤكاریا (UNHCR) قوتابخانا دێرەبوون یا بنەرەت یا ب سەر پەروەردا زاخۆ ڤە نووژەنكر.
رێزان كچل ،رێڤەبەرێ قوتابخانا دێرەبوونێ بۆ رۆژناما دەنگێ لالش گۆت:”ب مەرەما گرنگیدان ب كەرتێ پەروەردێ و ژبەر كەڤن بوونا ئاڤاهیێ قوتابخانا مەیا بنەرەتی ل دێرەبوون سەر ب پەروەردا زاخۆ ڤەیە، رێكخراوا قەندیل ب هەڤكاریا (UNHCR) رابوویە ب نووژەنكرنا وێ ب شێوەیەكی گشتی ,كارێ نووژەنكرنێ ژی پێكهاتییە ژ بۆیاغكرنا ئاڤاهیێ قوتابخانێ ژدەرڤە و ناڤدا ودابینكرنا تانكیێن ئاڤێ ودوو سپلێتا و دروستكرنا بۆریێن سۆلینان و سەخبێركرنا ئاڤێ ونووكرنا كەل وپەلێن كارەبێ،دیسان دابینكرنا هندەك پێتڤیاتیێت دیتر بۆ قوتابخانێ”.
ناڤهاتی زێدەتر گۆت:”ئەم داخوازێ ژ هەموو رێكخراوێن جیهانی و نێڤ دەولەتی دكن كو ژبەر ڤێ قەیرانا دارایی هاریكاریا حكوومەتا هەرێمێ بكن و خۆ ل ڤان كارو پرۆژەیێن كەرتێن جودا جودا یێن حكوومەتێ ب تایبەتی پەروەردێ بكەنە خودان،داكو پرۆسا خووندنێ ب چ رەنگا نەئێتە سەكناندن”.
تُتاح هذه الصورة أيضا في: کوردی