بارزانی و عەبادی ئۆپەراسیۆنا رزگارکرنا مووسلێ گۆتووبێژ دکەن
waar – دهوك :
سەرۆکوەزیرێن ئیراقێ ئیشەڤ ب سەرەدانەکێ گەھشتە ھەولێرێ و ژ ئالیێ سەرۆکێ ھەرێما کوردستانێ و سەرۆکوەزیرێن ھەرێمێ ڤە ھات پێشوازی کرن.
حەیدەر عەبادی سەرۆکوەزیرێن ئیراقێ، د گەل ھەژمارەکا بەرپرسێن سەربازی یێن سوپایێ ئیراقێ دا ب چەند ھەلیکۆپتەرێن سەربازی ب رێیا فرۆکخانەیا ھەولێرێ یا نێڤدەولەتی گەھشتنە هه‌رێمێ و ژ ئالیێ مەسعوود بارزانی سەرۆکێ ھەرێما کوردستانێ ڤە ھاتن پێشوازی کرن.
د گەل گەھشتنا سەرۆکوەزیرێن ئیراقێ و شاندا دگەل دا کۆمبوونەک د گەل سەرۆکێ ھەرێما کوردستانێ و بەرپرسێن ھەرێمێ سازکر، ل دووڤ ئاگەھییا ژی پاشان شاندێ ھەردو ئالیان، کۆم بوون بجھـ ھێلا و بارزانی و عەبادی کۆمبوونەکا دو قوولی كرییه.
ل دۆر سەرەدانا عەبادی، فوئاد حسێن سەرۆکێ دیوانا سەرۆکاتییا ھەرێما کوردستانێ د پرێسکۆنفرانسەکی دا دیارکر، بارزانی و عەبادی بەحسا پێشڤەچوونێن ئۆپەراسیۆنا رزگارکرنا مووسلێ و رەوشا بەرەیێن شەر و ھەماھەنگییا د ناڤبەرا ھێزێن پێشمەرگەی و سوپایێ ئیراقێ دا کریه.
سەرۆکێ دیوانا سەرۆکاتییا ھەرێمێ دوپاتکر ژی کو ھێزێن پێشمەرگەی ناچنە ناڤ مووسلێ دا و ھەماھەنگییەکا باش د ناڤبەرا ھێزێن پێشمەرگەی و سوپایێ ئیراقێ دا ھەیە.
تُتاح هذه الصورة أيضا في: کوردی