شنگال.. پتر ژ روفاتێن 1300 كەسان دناڤ گۆرێن ب كۆم دا هەينە
باسنيۆز:
قائێمقامێ قەزا شنگال دیاركر پێشمەرگەی كوردستانێ هەموو گۆرێن ب كۆم دپارێزت ل دەڤەرا شنگالێ ،زێدەتر ژ 1300 روفاتێن كوردێن ئێزدی دناڤ گۆرێن ب كۆمدا هەنە، مەترسیا هەیە وەرزی زڤستانی زیانی بگەهینتە روفاتێن دناڤ گۆرێن ب كۆم دا وپێدڤیە رێنمایێن تایبەت و پیشەڤانیی بهێتە كرن بۆ ڤەكرنا هەموو گۆرێن ب كۆم.
مەحما خەلیل، قائیمقامێ قەزا شنگال بۆ (باسنیوز) دیاركر كەس وكارین كارەساتا شنگال گەلەك جاران سەرا ئێدارا شنگال ددەن وداخوازا ڤەكرنا گۆرێن ب كۆم دكەن، خەلكەك داخواز دكەن شەهێدێن خوە كارەساتا شنگال ژ گۆرێن ب كۆم دەربیخن ل گۆرستانێن خوە تایبەت ڤەشیرن، هەكە پشتەڤانیی نەهێتە كرن دوور نێنە خەلك گۆرێن ب كۆم ڤەكەن ئەڤە دێ زیانی گەهینتە دوسیەیا جینوسایدی چونكو ئەم داخواز دكەین لیژنێن تایبەتمەند بهێن دەست ب ڤەكرنا گۆرێن ب كۆم بكەن وەكو دیكومینت بهێنە بكارئێنان بۆ دوسیەیا جینوسایدی مخابن ئەو پشتەڤانیا نەهاتیە كرن گۆرێن ب كۆم شەهیدێن شنگال بهێنە ڤەكرن.
خۆیا ژێ كر ل كارەساتا شنگال 3/8/2014 تیرۆرستێن داعش هزارەها وەلاتێن كوردێن ئێزدی رەڤاندن و كوشتن دناڤ گۆرێن ب كۆمدا ڤەشارتن هەتا نوكە 27 گۆرێن ب كۆم هاتینە دیتن و دەست نێشانكرن و پیشبینی دهێتە كرن هەتا مووسل رزگاردبیت ژمارا گۆرێن ب كۆم ببوریت ژ 41 گۆرێن ب كۆم چونكو هەتا نها چارەنڤیسی 3700 كەسێن رەڤاندنێ دیار نینە.
تُتاح هذه الصورة أيضا في: کوردی