ل سوێسرا و فەرەنسا دێ بەحسێ ئاینێ ئێزدیان ئێتە كرن
تۆرا لالش یا راگەهاندنێ
دسەرەدانەكێ دا بۆ نونەراتیا بنگەهێ لالش ل هەولێرێ،هەر یەك ژ “لیندا بیتەر هانس “ژ وەلاتێ سوێسرا و” گلانتین گابی”ژ وەلاتێ فەرەنسا كو دوو خۆبەخشێن كارێ مرۆڤایەتی نە و د هەمان دەم دا گرنگیێ ب كارێ راگەهاندنێ ونڤیسینێ ددەن،ئاماژەكرن كو ل وەلاتێن خۆ دێ بەحسا ئاینێ ئێزدیان كن.
ددیدارەكێ دە،ئاماژە دا وێ كارەساتا ب سەر شنگالێ دا هاتی و هەڤخەمیا خۆ بۆ گەلێ ئێزدی نیشان دان وگۆتن دڤێ كارەساتێ دا وەلات ئاگەهداری هەبوونا پێكهاتەیێ ئێزدی بوون،لێ ئەم ناڤەشێرن هەتا نۆكە خەلكێ ئەوروپا ب شێوەیەكێ گشتی پێزانین ل سەر ئاینێ ئێزدیان نینن،لەوما ئەم دخوازن ب رێیا كارێ خۆ یێ خۆبەخش پێزانینێن دروست ل سەر ئاینێ ئێزدیان وەربگرن و ل وەلاتێن خۆ بەحس بكن،بۆ ڤێ مەرەمێ ژی داخوازا هاریكاریێ ژ نونەراتیا لالش كرن.
ژ ئالیەكێ دی ڤە،نوونەراتیا لالش ل هەولێرێ پشتەڤانیا خۆ بۆ وان نیشاندا بۆ پێشكێشكرنا هەموو هاریكاری و پێزانینان،بۆ ڤێ مەبەستێ نێزیكی دوازدە كۆپیێن گۆڤارا لالش دانە وان بۆ مفا وەرگرتنێ ژ وان گۆڤاران،زێدەباری چەند پەرتۆكێن گرێدایی ئاینێ ئێزدیان كو ژ وەشانێن دەستەیا بلندا بنگەهێ لالش بوون.
تُتاح هذه الصورة أيضا في: کوردی