دهۆك.. پلانا باشتر خزمەتكرنا ئاواران و پەنابەران بۆ سالا 2017 هاتە دانان
باسنيۆز:
هاریكارێ پارێزگەری دهۆكێ بو كاروبارێن مروڤایەتی دیاركر سالا نوو دێ خزمەتا ئاوارە وپەنابەران باشتر هێتە كرن داخوازی ژجڤاكێ نێڤدەولەتی ورێكخراوێن نێڤ دەولەتی دكەین ل سالا نوو پتر هاریكاریا ئاوارەیان بهێتە كرن.
ئیسماعیل محمد ئەحمەد، هاریكارێ پارێزگەری دهۆكێ بو كاروبارێن مروڤایەتی دیاركر ب رێكا پتر ژ25 فەرمانگەهێن حكومەتا هەرێما كوردستانێ خزمەت دهێنە پێشكێش كرن بۆ ئاواران وپەنابەران ل ناڤ ودەرڤەی كەمپان ل دهۆكێ، گەلەك ئاریشە هەنە پێدڤیە سالە نوو حكومەتا عیراقێ نەمینت بێدەنگ وهاریكاریا ئاواران بكەت و پێدڤیێن خزمەتكرنێ بهێنە دابینكرن هەتا بشێن باشتر خزمەتكاری بو ئاوارە وپەنابەران ژهەموو رویەكیڤە دابین بكەین.
خۆیا ژی كركو دگەل هەموو فەرمانگەهێن حكومی ل دهۆكێ پلان هاتنە دانان دێ كار بجه ئێنانی ل سەر هێتە كرن بۆ خزمەتكرنا ئاواران و گەلەك فەرە هەڤكاری وهاریكاری بهێتە كرن ژلایێ رێكخراوێن نێڤ دەولەتی وجڤاكێ سڤیل هەتا باشتر خزمەتا بهێتە كرن بۆ ئاواران و پەنابەران.
ل سنورێ پارێزگەها دهوكێ كو 23 كەمپ هەنە، زێدەباری وان كەمپێن نوو هاتینە چێكرن بو ئاوارێن ژبەر ئوپەراسیونا رزگاركرنا موسل قەستا پارێزگەها دهوكێ دكەن كو ژمارا وان ژی 8كەمپن.
تُتاح هذه الصورة أيضا في: کوردی