وهزارهتا پێشمهرگهی بۆ خهزعهلی: فهرموو خوه تاقی بكه
waar – دهوك :
وهزارهتا پێشمهرگهی بهرسڤا قهیس خهزعهلی و گرۆپێ وی یێ چهكدار دا و راگههاند؛ دهستان ژ گهڤا بهردهن و فهرموون خوه تاقی بكهن.
د راگههاندنهكێ دا كو ب ناڤێ پهیڤدارێ وهزارهتا پێشمهرگهی بهلاڤبوویه، تێدا دیاركرییه، قهیس خهزعهلی، سهرۆكێ گرۆپێ عهسائیب ئههلی حهق، د داخویانیهكێ دا، هند گۆتنێن نه دجهێ خوهدا دهربارهیی هێزێن پیشمهرگه و ههرێما كوردستانێ و سهرۆكێ ههرێمێ كرینه و گرۆپێ وی یێ چهكدار ژی، پشتهڤانی ل گۆتنێن وی یێن پری دۆژمنكاری كرینه، لێ ئهڤه تشتهكێ نوی نینه و كریارێن خهزعهلی و گرۆپێ وی، ل دژی خهلكێ ئیراقێ بۆ ههموو ئالییان دیارن و ب سهدان وهلاتی سهربڕینه.
دایه زانین ژی كو گهلێ كوردستانێ، ئهنفال و كیمیابارانا سهدامی و نان بڕینا مالكی دیت، خهزعهلی و گرۆپێ وی یێ چهكدار ژی گهر بخوازن ئهنفالهكا دی بسهرێ ملهتێ كورد بینن، بلا دهستان ژ گهڤا بهردهن و فهرموون خوه تاقی بكهن، داكو گهلێ كورد ئهنفالا ههوه ژی ببینیت.
وهزارهتا پیشمهرگهی هیڤی خواستییه كو ئهڤ داخویانی و ههلویسته، تنێ بۆچوونێن خهزعهلی و گرۆپێ وی بن و ههلویستێ حهشدا شهعبی نهبیت.
تُتاح هذه الصورة أيضا في: کوردی