جۆن کێری: چارەسەرییا دو دەولەتان رێکا ئێکانەیە بۆ ئاشتیا فەلەستینی – ئسرائیلی
waar – دهوك :
وەزیرێ دەرڤە یێ ئەمریکا ل دۆر چارەسەرییا دو دەولەتان د ناڤبەرا فەلەستین و ئسرائیلێ دا راگەھاند؛ چارەسەریا دوو دەولەتان رێیا ئێکانەیە بۆ دروستکرنا ئاشتییێ د ناڤبەرا فەلەستینێ و ئسرائیلێ دا.
جۆن کێری د پرێس کۆنفرانسەکی دا ئاماژە دا پەسندکرنا بریارا جڤاتا ئاساییشێ ل دۆر ئسرائیلێ و راگەھاند؛ بریارا جڤاتا ئاساییشێ بەھایێن ئەمریکا نیشا ددەت و پشتەڤانییا خوە بۆ وێ بریارێ دوپات کر و گۆت؛ ئەو بریار پارێزیێ ل چارەسەریا دوو دەولەتان دکەت، لەورا وان ژی پشتەڤانی لێ کر.
کێری رەخنە ل حکومەتا ئسرائیلێ گرتن و گۆت؛ حکومەتا نەتەنیاھۆی د گەل ئالییێن توندرەو لڤینان دکەتن و گۆت؛ چارەسەریا دو دەولەتان رێکا ئێکانەیە بۆ چێبوونا ئاشتی و دادپەروەریێ د ناڤبەرا فەلەستین و ئسرائیلێ دا.
کێری گۆت ژی؛ ئەو سەرکردێن پشتەڤانیێ ل ئاڤاکرنا یەکەیێن ئاکنجیبوونا ئسرائیلی دکەن، ئەو ب تەمامی چاڤێ خوە ل داخوازییێن قانوونی یێن فەلەستینییان دگرن.
تُتاح هذه الصورة أيضا في: کوردی