عهبادی: نابیت پهكهكه ل شنگالێ بمینیت
waar – دهۆك :
سهرۆكوهزیرێن ئیراقێ راگههاند؛ ئهو دگهل سهرۆكوهزیرێن توركیا رێككهڤتن كو پهكهكه ژ شنگالێ دهركهڤیت و نابیت ژبلی پێشمهرگهی و هێزێن ئیراقی، چو هێزهكا دی ل شنگالێ بمینیت.
پشتی كۆمبوونا شاندا بلندا توركیا ب سهرۆكایهتییا بینالی یالدرم سهرۆكوهزیرێن توركیا، دگهل حهیدهر عهبادی سهرۆكوهزیرێن ئیراقێ، ههردو ئالییان پرێس كۆنفرانسهك سازكر و تێدا عهبادی ئاماژهكر كو وان داخواز ژ پهكهكێ نهكرییه بهێته دناڤا ئاخا ئیراقێ دا و پێشتر ههولێر و بهغدا رێككهڤتبوون كو تنێ پێشمهرگه و هێزێن ئیراقی كونترۆلا دهڤهرێ بكهن و رێككهڤتنا داویێ ژی ئهوه كو نابیت چو هێز ژ دهرڤهیی پێشمهرگهی و هێزێن ئیراقی، ل شنگالێ ههبن.
ژ ئالیێ خوهڤه یالدرمی گۆت: پهكهكه رێكخستنهكا تیرۆری یه و وان ب فهرمی داخوازكرییه كو پهكهكه ژ شنگالێ بهێته دهرخستن و دڤێ دهربارێ ژی دا، حكومهتا ئیراقێ پهیمان ب وان دایه كو پهكهكه بهێته دهرخستن.
تُتاح هذه الصورة أيضا في: کوردی