رێکخراوا راگەھاندنا جینۆسایدێ:دێ بینە ديدەڤان بۆ شنگالیان
باسنيۆز:
جیگرا سەرۆکێ رێکخراوا نێڤدەولەتی بۆ راگەھاندنا جینوسایدی، دیارکر ل دادگەھێن نێڤدەولەتی ئەم دێ بینە دێدەڤان ل سەر کارەساتا بسەری ئێزدیان و ھەموو پێکھاتێن عێراقی ھاتی ل سەر دەستێن رێکخراوا تیرۆرستی داعش.
ئەلیسا یودن فون فورکن، جیگرا سەرۆکێ رێکخراوا نێڤدەولەتی بۆ راگەھاندنا جینوسایدی ل پارێزگەھا دھۆکێ، ئەڤرۆ 8/1/2017 بۆ (باسنیوز) دیارکر: “دێ سیستەمەکێ دەولی دروستکەن بۆ بەرەڤانیکرنی ژ ھەموو پێکھاتێن جیھانێ، چونکە ب دیتنا مە جڤاکی نێڤ دەولەتی بەرپرساتیا خوە وەرنەگرت بۆ پاراستنا پێکھاتیان ئەم دبینن بەرپرسیەتیا خوە بۆ دادپەروەری ژی وەرناگرت، ئەم دبینن دادگەھا لاھای کاری خوە رانابیت، چونکە ل ئەفریقیا ژی گەلەک دوسیە ھەنە و دادگەھێن نێڤ دەولەتی پێ رانەبووینە، ل کارەساتا شنگال ژێ ئەم دبینن دادگەھێن نێڤدەولەتی پێ رانەبووینە، نوکە ئەم یێ ریکەکێ دگەرین بۆ پەێداکرنا دادپەروەری و رێڤەبرنا ھەموو دوسیەیان ل دادگەھێن نێڤدەولەتی”.
خۆیا ژی کرکو: “دێ بەرەڤانیی ژ کەیسا ئێزدیان و ھەموو پێکھاتێن دێ یێن ھەرێما کوردستانێ کەن ل دادگەھێن نێڤ دەولەتی ئەڤە ئارمانجا سەرەکی ھاتنا شاندی بلندا رێکخراوا جیھانی جینوسایدی بۆ ھەرێما کوردستانێ”.
تُتاح هذه الصورة أيضا في: کوردی