دەست ب سەخبێركرنا كارەبا باشیكێ هاتە كرن
تۆرا لالش یا راگەهاندنێ
سەرۆكێ ئەندازیاران و رێڤەبەرێ كارەبا ناوچەدارییا باشیكێ دیاركر:”كو وان دەست ب پێگەهاندن و سەخبێركرنا كارەبێ كریە و چوو ژێدەرێن كارەبێ ل باشیكێ نینن و پێتڤی ب دوو وێستگەهانە”.
وائل ئلیاس،بۆ رۆژناما دەنگێ لالش ئاشكەراكر:”قەبارەیێ زیانان ل تۆرا كارەبێ ل ناوچەداریێ پتر ژ 80%یە ،ل باشیكێ سێ وێستگەهێن كارەبێ یێن 33/11كف هەینە كو وێستگەها باشیكێ ب تەمامی هاتیە سۆتن و یا ئەلزەیتونە ب تەمامی هاتیە بوردۆمانكرن و ئەلنوران ب رێژا 50%زەرەر پێ كەفتیە،هەروەسا مە دەست ب پێگەهاندن و سەخبێركرنێ كریە و نۆكە چوو ژێدەرێن كارەبێ ل ناوچەداریێ نینن،داخوازا مە یا سەرەكی دوو وێستگەه بۆ باشیكێ بێنە دابینكرن”.
ناوچەدارییا باشیكێ ژئالیێ هێزێن پێشمەرگەی ڤە ژ دەستێن تیرۆرستێن داعشێ ڤە هاتە رزگاركرن،پاش خەلك ڤەگەریا دەڤەرێ و چەند سازییان دەست ب كارێ خۆ كرن بۆ خزمەتكرنا خەلكێ.
تُتاح هذه الصورة أيضا في: کوردی