نێچیرڤان بارزانی: بۆ چارەکرنا هەموو کێشەیان هەرێم یا ئامادەیە دانوستاندنێن رژد دگەل بەغدا بکەت
waar – دهۆك
سهرۆكێ جڤاتا وهزیرێن ههرێما كوردستانێ، ئامادهییا ههرێمێ نیشاندا، بۆ چارهكرنا ههموو كێشهیان، دانوستاندنێن راستهوخوه و رژد دگهل حكومهتا ئیراقێ دهستپێبكهت.
ل گۆری مالپهرێ فهرمی یێ حكومهتا ههرێمێ، ئهڤرۆ نێچیرڤان بارزانی سهرۆكوهزیرێن ههرێمێ، پیشوازی ل یان كۆبیج هنارتیێ تایبهتێ سكرتێری گشتی یێ نهتهوهیێن ئێكگرتی بۆ ئیراقێ كر و د كۆمبوونهكێ دا، یان كۆبیجی دیاركر، ل دهستپێكێ دانوستاندنێن رژد دناڤبهرا ههولێر و بهغدایێ دا ههبوون و بوونه ئهگهرێ وێ ههماههنگیا نها ل بهرهیێن شهڕی ههیی، لێ ژ روویێن دی ڤه، ههماههنگی نینه، بۆ ڤێ یهكێ ژی، نوونهراتیا یۆئێنێ ئامادهیه ههر هاریكاریهكێ پێشكیش بكهت.
ژ ئالیێ خوهڤه سهرۆكوهزیرێن ههرێمێ دیاركر، حكومهتا ههرێمێ، ئامادهیه بۆ چارهكرنا ههموو كێشهیان، دانوستاندنێن راستهوخوه و رژد دگهل حكومهتا ئیراقێ دهستپێبكهت، ب تایبهت ژی د چارهكرنا بابهتێن گرێدایی بودجه و ژێدهرێن سرۆشتی ڤه.
بارزانیێ سهرۆكوهزیر دهربارهیی ئۆپهراسیۆنا مووسلێ گۆت: پێدڤییه دیالۆگهكا سیاسی پشتی رزگاركرنا وی باژاری، دناڤا ئالییێن ئیراقی دا دهستپێبكهت، بۆ وێ یهكێ ههموو ئهو كێشهیێن ژ ئهنجامێ شاشیێن حكومهتا بهرێ یا ئیراقێ ل دهڤهرێن سوننی دروست بووین، بهێنه چارهكرن.
تُتاح هذه الصورة أيضا في: کوردی