مه‌سروور بارزانی: پێدڤییه رێككه‌فتنه‌كا سیاسی بۆ مووسلا پشتی داعشێ بهێته كرن
WAAR-دهۆك:
شیره‌تكارێ جڤاتا ئاساییشا هه‌رێما كوردستانێ راگه‌هاند؛ گه‌ر رێككه‌فتنه‌كا سیاسی بۆ مووسلا پشتی داعشێ نه‌هێته كرن، دێ كێشه‌یێن مه‌زن ل وی باژاری رووبده‌ن.
ئه‌ڤرۆ ل هه‌ولێرێ، مه‌سروور بارزانی، شیره‌تكارێ جڤاتا ئاساییشا هه‌رێمێ، پێشوازی ل ئێكهارد برۆس، هنارتیێ تایبه‌ت یێ ئه‌لمانیایێ بۆ ئاساییشا رۆژهه‌لاتا ناڤین كر و د كۆمبوونه‌كێ دا، هه‌ردو ئالییان به‌حسا شه‌ڕی دژی داعشێ و سه‌ركه‌فتنێن هێزێن پێشمه‌رگه‌ی و قۆناغا پشتی داعشێ كر و هنارتیێ ئه‌لمانیایێ په‌سنا رۆلێ پێشمه‌رگه‌ی د شه‌ڕێ دژی داعشێ دا كر.
مه‌سروور بارزانی د وێ ده‌ربارێ دا گۆت: پشتی ئۆپه‌راسیۆنا مووسلێ، گه‌ر رێككه‌فتنه‌كا سیاسی دناڤبه‌را ئالییێن په‌یوه‌ندیدار و پێكهاته‌یێن وی باژاری دا نه‌هێته كرن، دبیت ئه‌و كێشه و ئالوزییێن به‌ریا داگیركرنا وی باژاری ژ ئالیێ داعشێ ڤه، جاره‌كا دی ل مووسلێ سه‌رهلبده‌ن ڤه.
تُتاح هذه الصورة أيضا في: کوردی