خەلكێ شنگالێ ل كەمپا چەم مشكو خەلكێ زاخۆ خەلاتكر
تۆرا لالش یا راگەهاندنێ
ب ئامادەبوونا ژمارەكا مەزن ژ دام ودەزگەهێن حكوومی و حزبی و لەشكەری و رەوشەنبیری و جەماوەرەكێ زۆر ژ خەلكێ دەڤەرێ،ئاهەنگەكا خەلاتكرنێ ب چەندین برگێن جۆرا و جۆر ل كەمپا چەم مشكو هاتە گێران.
ئاهەنگەها خەلاتكرنێ ئیرۆ ئێكی ئادارێ هاتە گێران،درێورسمان دابەرێز”بوتان مەحسن”قایممقامێ قەزا زاخۆ ژ پێش خەلكێ زاخۆ ڤە ژبال خەلكێ شنگالێ ل كەمپا چەم مشكو هاتە خەلاتكرن وەك رێزلێنان بۆ هەستێ نەتەوی و دەستپێشخەریێن خەلكێ زاخۆ كرین ل وان رۆژێن ب زەحمەت و تەنگاڤ دا،دیسان دەیكا ئێك ژ جانگۆریا هاتە خەلاتكرن كو ژ وی خەلكی بوو یێن هاریكارییا ئاوارەیان كری ئێك پێشمەرگە یێ هاتیە كوشتن ل شەرێ دژی شەرەف و ئەردی و دەیكا وی هاتە خەلاتكرن وەك رێزلێنان بۆ رۆلێ وی یێ شەرەفمەندانە یێ پێشمەرگەی پێشكێشكری ل رۆژانێن كارەساتا شنگالێ و ئاوارەبوونا ب هەزاران خێزانان بۆ دەڤەرێن ئارامێن كوردستانێ،خەلاتكرن دەربرین بوو ژئالایێ كوردستانێ وەك دیاری هاتە پێشكێشكرن ژ بال دەیكا جانگۆری”جیلان بەرجس”.
دئاهەنگێ دا چەند برگە هاتنە سازدان ژ وان دەرچوونا 94گەنجان ژ هەردوو رەگەزان دخۆلەكا سەر رۆژنامەڤانیێ دا،یا ژبال رێكخراوا هاریكار ل كەمپێ هاتیە ئەنجامدان،هەروەسا خەلاتكرنا هندەك دەزگەهێن ئایینی و رەوشەنبیری و كەسایەتییان و ژ وان پێشمەرگێن كوردستانێ ژبال خەلكێ شنگالێ ل كەمپا چەم مشكو،بۆ رۆلێ وان یێ ئەكتیف بۆ هاریكاریكرنا خەلكێ شنگالێ ل دەمێ كارەساتێ،قایممقامێ زاخۆ دا دیاركر كو خەلكێ زاخۆ پشكەكە ژ خەلكێ شنگالێ و هەڤبەندیەكا نەتەوی و ئەرد و پاشەرۆژەكا ئێكگرتی گرێددەت.
هەروەسا دئاهەنگێ دا چرا ل سەر گیانێ جانگۆرییا رۆژنامەڤان”شیفا گەردی” ژبال رێكخەرێن ئاهەنگێ ڤە هاتنە هەلكرن،كو ستێرەكا گەش بوو ل ئەسمانێ مرۆڤایەتیێ و دپیشەیا خۆ دا وەك راگەهاندكارەك بەرەڤانی ژ دەنگێ راستیێ دكر و بەرهەنگارییا داعشێ كر ب رێیا راگەهاندنێ.
ژ ئالیەكێ دیڤە،لژنا سەرپەرشتا ئاهەنگێ داخواز ژ بەرێز”خشو میرزا”نوونەرێ بەرێز”شێخ شامۆ”سەرۆكێ دەستەیا بلندا بنگەهێ لالش كر خەلاتی پێشكێشی بەرێز”بوتان مەحسن”قایممقامێ زاخۆ بكت ژ پێش خەلكێ وێ ڤە.
تُتاح هذه الصورة أيضا في: کوردی