شاھێ سعوودیێ بریار دا سەنتەرەکێ ھاریکارییان ل ھەرێمێ ڤەبکەت
WAAR-دهۆك:
ب بریارەکا شاھێ سعوودیێ، سەنتەرێ شاە سەلمان یێ پێشکێشکرنا ھاریکاریێن مرۆڤاتی دێ ل ھەرێما کوردستانێ ھێت ڤەکرن.
نێچیرڤان بارزانی سەرۆکوەزیرێن ھەرێما کوردستانێ ئەڤرۆ پێشوازی ل د. عەبدوللا بن محەمەد ئەلرەبیعە شیرەتکارێ دیوانا پاشایەتییا عەرەبستانا سعوودیێ و سەرپەرشتیارێ گشتیێ دەزگایێ شاە سەلمان یێ ھاریکاری و کارێن مرۆڤاتی کر و د ھەڤدیتنەکێ دا ئەلرەبیعە گۆت: ل سەر راسپاردەیێن شاھێ سعوودیێ ئەڤ سەرەدانە ئەنجام دایە بۆ وێ یەکێ لێکۆلینێ ل سەر ڤەکرنا سەنتەرێ شاە سەلمان ل ھەرێمێ بکەت.
دوپاتکر ژی، کو ب ھاریکارییا جڤاکێ نێڤدەولەتی دێ زێدەتر ھاریکارییان پێشکێشی ئاوارە و پەنابەرێن ھەرێمێ کەت.
ژ ئالیێ خوەڤە نێچیرڤان بارزانی ھاریکاریێن عەرەبستانا سعوودیێ بلند نرخاندن و داخوازکر ھەرێما کوردستانێ ژ سندوقا پارەدارکرنا سعوودیێ مفای وەربگریت، کو پارەی ب قەر ددەت پرۆژەیان ل وەلاتان، و خواست ژی دەزگایێ شاە سەلمان ل ھەرێمێ دەست ب کاربیت.
سەرۆکوەزیرێن ھەرێمێ دا زانین کو خەرجیێن سالەکێ یێن ئاوارە و پەنابەران ل سەر مللێت حکومەتا ھەرێمێ، ملیارەک و چوارسەد ملیۆن دۆلارن.
تُتاح هذه الصورة أيضا في: کوردی