كلیپەكێ ل سەر چیرۆكا كچا ئێزدی(جیلان)ێ بەلاڤ دكت
تۆرا لالش یا راگەهاندنێ
هۆنەرمەندێ ئێزدی”عەلی حسێن”بۆ رۆژناما دەنگی لالش راگەهاند:”كچا ئێزدی(جیلان بەرجس)یا كو نەهێلایی تیرۆرستێن داعشێ دەستدرێژیێ لێ بكن و پاش خۆ كوشتی، هێمایێ شەرەفێ بوو،لەوا ب كلیپكرنا سترانەكێ ل چیرۆكا وێ رابووم و نۆكە هاتیە بەلاڤكرن”.
ناڤهاتی خەلكێ قەزا شنگالێ یە،نۆكە ل وەلاتێ ئەلمانیا دژیت دیاركر:”دەمێ تیرۆرستێن داعشێ ل 3/8/ 2014ێ،دەست ب سەر شنگالێ دا گرتی وب هەزاران خەلكێ مە كەفتە د دەستێ تیرۆرستان دا،ب تایبەتی كچ و ژن كو ب دەهان خۆ كوشت داكو دەستدرێژی ل وان نەئێتەكرن و هەتا نۆكە ئەو تووشی دەستدرێژیێ دبن،چیرۆكا كچا ئێزدی یا جیلانێ ب چ رەنگی بێتە گۆتن هێشتا كێمە،ژبەركو هێمایێ شەرەفێ بوو،لەوا چیرۆكا وێ ب سترانەكێ من كلیپكر و هاتە بەلاڤكرن،كو ژ پەیڤ و ئاوازێن هۆزانڤان(عبدالعزیز)ە و ل ستودیۆیا(سبعی باعەدری ) هاتیە تۆماركرن و ل باژێرێ كۆلن یێ ئەلمانی هاتیە وێنەكرن و ژدەرهێنانا وێنەگەریا (نادم شنگالی )یە”.
حسێنی ئەو چەندە ژی راگەهاند:”ژلایێ مادی ڤە كەسێ هاریكارییا مە نەكریە و ل سە ر كیستێ مە كلیپ هاتیە چێكرن،هەروەسا نۆكە هەول ددەین دوو كلیپێن دی چێكن،كو دەربرینێ ژ بارودۆخێ نۆكە یێ ئێزدی تێرا دەرباز دبن دكت”.
تُتاح هذه الصورة أيضا في: کوردی