بارزانی: ئێزدی كوردێن رهسهنن و چو ناسنامهیێن دی ب سهر دا ناهێنه سهپاندن
WAAR – دهۆک:
سهرۆكێ ههرێما كوردستانێ راگههاند؛ ئێزدی كوردێن رهسهنن و چو كهس نهشێن چو ناسنامهیێن دی ب سهر ئێزدییان دا بسهپینیت و ئهو قهبوول ناكهن چو كهس، دهستێ خوه ژبۆ پێشمهرگه و شنگالێ درێژ بكهن.
كهریم سلێمان شیرهتكارێ جڤاتا رۆحانی یا ئێزدییان بۆ وار راگههاند؛ ئهڤرۆ ل سهحێلا، مهسعوود بارزانی سهرۆكێ ههرێما كوردستانێ، دگهل میرێ ئێزدییان و جڤاتا رۆحانی و كهسایهتیێن ئێزدی یێن شنگال و ههموو كوردستانێ كۆمبوو و مهرهم ژ كۆمبوونێ، بهحسكرنا رهوشا دهڤهرێن ئێزدییان بوو و جڤاتا رۆحانی ژی، ب رێیا میری، داخوازیێن ئێزدییان د نامهیهكێ دا، پێشكێشی سهرۆكێ ههرێمێ كرن.
شیرهتكارێ جڤاتا رۆحانی گۆت ژی: بارزانی ب ئاشكرایی گۆته وان، پێشمهرگه ل دژی دروستبوونا شهڕی نه و وان نهڤێت شهڕ دروست ببیت، لێ ئهو قهبوول ناكهن ژی، چو كهس دهستێ خوه ژبۆ پێشمهرگهی درێژ بكهن.
سهرۆكێ ههرێمێ ئاماژهكرییه ژی ،كو هێزێن پێشمهرگهی ههژمارهیهكا مهزنا شههیدان ژبۆ رزگاركرنا شنگالێ داینه و نها حكومهتا ههرێمێ ئامادهكاریێن ئاڤاكرنا وی باژاری دكهت، لێ تا هێزێن نهیاسایی ل شنگالێ بمینن، جڤاكا نێڤدهولهتی ئامادهنینه هاریكاربیت د ئاڤاكرنا شنگالێ دا.
تُتاح هذه الصورة أيضا في: کوردی