حکومەتێ داوی ژڤانێ تۆمارکرنا بایۆمەتریێ راگەھاند
WAAR – دهۆک:
لژنەیا بلندا تۆمارا بایۆمەترییا مووچەخۆرێن ھەرێما کوردستانێ داوی ژڤان بۆ تۆمارکرنێ د سیسته‌مێ بایۆمەتری دا راگەھاند.
ل گۆری راگەھاندنەکا جڤاتا وەزیرێن ھەرێمێ، لژنەیا بلندا تۆمارا بایۆمەترییا مووچەخۆران، داخواز ژ مووچەخۆرێن مەدەنی یێن خانەنشینان، مفادارێن بێمەیا جڤاکی، کەسوکارێن سەربەرزێن شەھیدان و ئەنفالکرییان یێن تا نھا خوە تۆمار نەکری کر، ژ بیست و حەفتێ مەھا ئادارێ تا چاری مەھا نیسانێ سەرەدانا رێڤەبەریێن خوە بکەن بۆ تۆمارکرنێ.
د وێ راگەھاندنێ دا ھاتییە: ئارمانج ژ ڤێ یەکێ ئەوە خوە د لیستا گیرۆبوویان دا تۆماربکەن، داکو کەیسێن وان بھێن ئێکلایی کرن.
تُتاح هذه الصورة أيضا في: کوردی