بالیۆزێ بەرێ یێ ئەمریکا ل تورکیا: ئەردۆغان دێ دگه‌ل ئۆجەلانی کۆمبیت
WAAR – دهۆک:
بالیۆزێ بەرێ یێ ئەمریکا ل ئیراق و تورکیا راگەھاند؛ ئه‌ردۆغان، یەپەگە و پەکەکە دێ پێک ھێن، ھەروەسا ئه‌ردۆغان دێ د گەل رێبەرێ زیندانکری یێ پەکەکێ عەبدوللا ئۆجەلان ل ئیمرالییێ کۆم بیت.
ئاژانسا سپۆتنیک بەلاڤ کرییه کو جێمس جیفری، بالیۆزێ بەرێ یێ ئه‌مریكا ل ئیراق و توركیا د گۆتارەکێ دا بەحسا پلانێن نوو یێن ئه‌مریكا کر و گۆت: ل گۆری پلانا نوو یا ئه‌مریكا ل ده‌مه‌كێ نێزیک دێ داعش ھێته ژناڤبرن، ئەمریکا ژی ژ نھا ڤە دێ نەخشەیێ رۆژھەلاتا ناڤین گۆهەڕیت.
وی دیپلۆماتکارێ ئه‌مریكا گۆت ژی: ئەمریکا دخوازیت سەرۆککۆمارێ تورکیا رەجەب تەیب ئه‌ردۆغان و پەکەکە بگەھن رێککەفتنێ و ئەو رێککەفتنە ب مفا بۆ ئه‌ردۆغانی ب ناڤ کر.
دوپات ژی کر پشتی راپرسییا دستووری، ئه‌ردۆغان دێ د گەل یەپەگێ و پەکەکێ دا گەھیته رێککەفتنێ.
دا زانین ژی، ژ بەر کارتێکرنا ئۆجەلان ل سەر پەکەکە و یەپەگێ، ئه‌ردۆغان دێ سەرەدانا ئیمرالییێ کەت و د گەل ئۆجەلان کۆم بیت.
تُتاح هذه الصورة أيضا في: کوردی