بارزانی: پێشمەرگەی ب خوینا خوە شنگال و چیایێ وێ ئازاد کرن
WAAR – دهۆک:
مەسعوود بارزانی سەرۆکێ ھەرێما کوردستانێ راگەھاند؛ ئەو کارەستا ب سەرێ ئێزدییان ھاتی، پێشمەرگەی ب خوینا خوە تۆلا وان ژ تیرۆرستان ڤەکر و شنگال و چیایێ شنگالێ و رێیێن وێ رزگارکرن.
ل گۆری راگەھاندنەکا سەرۆکاتییا ھەرێما کوردستانێ، بارزانی ئەڤ یەکە د ھەڤدیتنەکێ دا دگەل شاندەکا کۆمەلەیا یەکبوون یا کوردی ل باژارێ سان پێترزبۆرگا رۆسی راگەھاند و گۆت: پشتی شنگال ھاتی رزگارکرن، ئارمانجا سەرەکی ئەوە بھێت ئاڤەدانکرن و خەلکێ وێ و دەوروبەران بشێن ژیانا خوە بەردەوامییێ پێ بدەن.
ژ ئالیێ خوەڤە شاندا کۆمەلەیا یەکبوون یا کوردی دوپاتکر کو گەلێ کورد ل رۆسیا و ھەموو جیھانێ ئۆمێدا وان ب ئەزموونا ھەرێما کوردستانێ و سەرکردایەتییا بارزانی ھەیە، بۆ وێ یەکێ گەلێ کورد بکاریت ل سەر ئەردێ خوە سەربخوە بیت و خودان بریار بیت.
شاندا کۆمەلەیا یەکبوون گۆت ژی؛ ئەو بەرھەڤن وەک پێشمەرگە ل ھەر جھەکێ بیت خزمەتا کوردستانێ و ئارمانجێن بلندێن گەلێ کوردستانێ بکەن.
تُتاح هذه الصورة أيضا في: کوردی