ئاوارێن كەمپا شاریا داخوازا گهۆرینا خیڤەتان دكن
تۆرا لالش یا راگەهاندنێ
نە گهۆرینا خیڤەتان بوویە ئێك ژ كێشەیێن ئاوارەیێن كەمپا شاریا وماوێ كەوالێتا خیڤەتان ب سەرڤەچوویە،رێڤەبەرێ كەمپێ ژی دبێژت:بەردەوام ڤێ داخوازیێ پێشكێشی جهێن شۆلەژی دكەین و مافێ وانە داخواز بكن،هەروەسا مە دەرفەتێن كاری بۆ پتر ژ 300گەنجان ل سنورێ پارێزگەها دهۆكێ هاتینە پەیداكرینە.
رێڤەبەرێ كەمپا شاریا(هەكار مەحەمەد)بۆ دەنگێ لالش گۆت:ئێك ژ كێشەیێن گرنگ یێن ئاوارەیان نۆكە گهۆرینا خیڤەتێن وانە و مافێ وانە ڤێ داخوازیێ بكن،ژبەركو ماوێ كەوالێتا خیڤەتان ب سەرڤەچوویە و ئەم ژی وەك كارگێریا كەمپێ بەردەوام ڤێ داخوازیێ پێشكێشی جهێن شۆلەژی و بۆردێ كاروبارێن مرۆڤایەتی دكەین و مە پلان بوو د دەستپێكا ئەڤ سال بگهۆرین،لێ پلان ب دراڤی ڤە گرێدایە،لەوا پلانێ سەرنەگرت و دێ بەردەوام ڤێ داخوازیێ گەهینین جهێن شۆلەژێ،هەرچەندە خیڤەتێن ئاوارەیان دكچكن لێ یا شیایی خۆ دگەل بارودۆخی بگونجینن و مە كاریە دەرفەتێن كاری بۆ پتر ژ 300گەنجان ل سنورێ پارێزگەها دهۆكێ پەیدا بكەین و بۆ یێن ماین ژی بەردەوامین،دیسان پتر ژ دوازدە رێكخراوێن ناڤخۆیی د ناڤا كەمپێ دا هەنە ب بەردەوامی خزمەتا ئاكنجیێن وێ دكن،وەك ڤەكرنا خۆلێن جودا جودا و پێشكێشكرنا هاریكاریان هەروەسا فەربوو رێكخراوا كەمپە دروستكری سەرەدانا كەمپێ كربا و كێشە چارەكربان،لێ مخابن بتنێ دبینم بۆردێ كاروبارێن مرۆڤایەتی خۆ ل ئاوارەیان دكەتە خودان.
ناڤهاتی ئەو چەندە ژی ئاشكەراكر،داخوازێ ژ جهێن شۆلەژێ دكەین وان جهان دیوار بكن یێن ژ كاركەفتین،ژبەركو دەما خێزانەك ژ كەمپێ دەردكەڤت دزی لێ دئێـتەكرن،ل درەنگێن شەڤێ ژی دانعەمر و زارۆك پشكەك ژوان نكارن بچن دەستئاڤێ و سەرشۆیێ د ترسن گیانەوەرێن درندە وان دیوارێن ژ كاركەفتین دەرباز بكن و هێرشی وان بكن.
تُتاح هذه الصورة أيضا في: کوردی