دەستهەلاتدارێن رۆژئاڤایێ كوردستانێ ئێزدیێن کو رزگار دبن تووشی ئاریشەیان دكەن
باسنيۆز:
رێڤەبەرێ نڤێسینگەها رزگاركرنا رەڤاندیێن ئێزدی، دیاركر:” دەستهەلاتدارێنرۆژئاڤایێ كوردستانێ گەلەك ئاریشەیان بۆ رزگاركرنا رەڤاندیێن ئێزدی دروست دكەن، هندەك جاران بۆ ماوێ 20 رۆژان رەڤاندیێن ئێزدی دەمێ رزگاردبن ل بارەگایێن خوە دا دهێلن”.
حسێن قائێدی، رێڤەبەرێ نڤێسینگەها رزگاركرنا رەڤاندیێن ئێزدی، بۆ(باسنیوز) دیاركر: “دەستهەلاتدارێن رۆژئاڤایێ كوردستانێ رزگاربوویێن ئێزدی ل جەم خوە دهێلن فێری مەشق وراهێنانان دكەن. راستی ژی ئەم ژ ڤێ رەفتارا وان لایەنان نەدرازینە،هەموو ئێزدی دلگران بووینە ژ ڤان رەفتاران”.
خۆیا ژی كر:” ئەڤە پتر ژ دووسالانە خەلكێ مە دبن زولم و زۆرداری و ئەشكەنجەدانا تیرۆرستێن داعشێدا، مخابن دەمێ رزگار ژی دبن ل رۆژئاڤایی كوردستانێ تووشی هەمان نەخۆشی و دەردەسەری دبن”.
حسێن قائێدی، گۆت: “ئەو زارۆكێن ل سوریا ژ دەستێن تیرۆرستان رزگاردبن دەمێ دگەهنە رۆژئاڤایێ كوردستانێ، لایەنێ دەستهەلاتدار وان زارۆكان گیرۆدكەن، هندەك جاران 15 رۆژان هەتا 20 رۆژان وان زارۆكان بەرنادەن”.
تُتاح هذه الصورة أيضا في: کوردی