زمانێ کوردی حەفتەمین بەربەڵاڤترین زمانێ دووێ یە د جهانێ دا
ئێن ئارتى
مالپەرێ (زس ئز ئینسایدەر) د مژارەکێدا کو ب رەنگێ نەخشەیەکى بەلاڤکریە، ئاماژە ب وێ ئێکێ کریە کو زمانێ کوردى حەفتەمین بەربەڵاڤترین زمانێ دووێ یە د جهانێ دا.
لگۆرى ئەوى مالپەرى، زمانێ ئێنگلیزى بەربڵاڤترین زمانێ دووێ یە د جیهانێ دا و د ٥٥ وەڵاتێن جیهانێ دا زمانێ دووێ یە.
بدیڤ ئێکدا و د پلەیێن دوویەمین و سێیەمین دا زمانێن فەرەنسى و ڕوسى دهێن، لگۆرى ئەوى نەخشەى زمانێ فەرەنسى د ١٤ وەڵاتاندا و ڕوسى ژى د ١٣ وەڵاتاندا وەکى زمانێ دووێ دهێتە بکارئینان.
هەروەسا زمانێ ئیسپانى ژى ب پلەیا چارەمین هاتیە و د هەشت وەڵاتاندا زمانێ دووێ یە، پلا پێنجەمین زمانێ کریۆلییە کو د هەشت وەڵاتێن جیهانێ دا وەکى زمانێ دووێ دهێتە بکارئینان.
زمانێ عەرەبى پلا شەشێ گرتیە و د شەش وەڵاتان دا وەکى زمانێ دووێ دهێتە بکارئینان، د پلەیا حەفتەمدا ژى زمانێ کوردى هاتیە کو د چار وەڵاتاندا وەکى زمانێ دووێ دهێتە بکارئینان.
ئەو چار وەڵات ژى کو زمانێ کوردى تێدا زمانێ دووێ یە ژ هەر ئێک ژ وەڵاتێن تورکیا و ئیران و سوریا و عێراقێ پێکدهێت.
تُتاح هذه الصورة أيضا في: کوردی