ب هەلكەفتا جەژنا سەرێ سالێ ئاهەنگەكا هەمەرەنگ ل كەمپا مام رەشان هاتە گێران
تۆرا لالش یا راگەهاندنێ
ب هەلكەفتا جەژنا سەرێ سالا ئێزدیان،بنگەهێ لالش تایێ شنگال و نڤیسینگەهێن لالش تلبەنات و تلبەناتا كەڤن ب هەڤكاری دگەل كارگێریا كەمپا مام رەشان و كۆمەلا شنگال یا خێرخوازی،ئاهەنگەكا هەمەرەنگ ل كەمپێ گێرا.
ب ئامادەبوونا رێڤەبەرێ كەمپا مام رەشان و دەستەكا كارگێرییا كەمپێ و نوونەرێ بنگەهێ لالش تایێ شنگال و بەرپرسێ لژنا حزبی و بەرپرسێن نڤیسینگەهێن لالش تلبەنات و تلبەناتا كەڤن و بەرپرسێن رێكخراوێن دكەمپێ دا كار دكن و رێڤەبەر و ئەندامێن دەستەكا خووندنێ یا قوتابخانا كوردی ل كەمپا ناڤبری و جەماوەرەكێ زۆر ژ خەلكێ،ئەڤ ئاهەنگ هاتە گێران و تێدا چالاكی هاتنە ئەنجامدان كو پێكهاتیبوون ژ ڤەكرنا پێشانگەهەكا وێنێن قوتابیان ل دۆر رێ ورەسمێن جەژنێ و كلتۆرێ ئایینێ ئێزدیا و تاوانێن داعش د دەرهەقێ ئێزدیان دا و گۆتنا كۆمەكا هۆزانان و ستران و درووشمان ژبال هندەك گەنجان و قوتابیان ڤە،زێدەباری سازدانا هندەك بەریكانا و یاریان دناڤبەرا قوتابیان دا و خەلاتكرنا هندەك كەسان ئەوێن رۆلەكێ باش دخزمەتكرنا خەلكێ كەمپێ دا هەی.
ل داویێ حەموو كەسێن پشكداری دچالاكیان دا كرین هاتنە خەلاتكرن.
تُتاح هذه الصورة أيضا في: کوردی