پارێزگەرێ دھۆکێ دگەل میرێ ئێزدیان کۆمبوو
باسنيوز:
رێڤەبەرێ راگەھاندنێ ل پارێزگەھا دھۆکێ، دیارکر کو پارێزگەرێ دھوکێ، دگەل میر تحسین بەگ، میرێ ئێزدیان کۆمبوو، دھەڤدیتنەکێ دا بەحسێ رەوش و سەروبەرێ ئاوارێن شنگال و دەشتا مووسل و ئەو کارو خزمەتێن بو ئاوارا ژ لایێ پارێزگەھا دھوکێ ڤە دھێنە پێشکێشکرن ھاتە کرن.
موسلیح عەبدولقادر، رێڤەبەرێ راگەھاندنێ ل پارێزگەھا دھۆکێ، بۆ (باسنیوز)دیارکر: “پارێزگەرێ دھوکێ کورتیەک دا سەر وان پێنگاڤ و بەرنامێن پارێزگەھێ یێن خزمەتا ئاوارە و پەنابەرا و داکوکێ ل سەر وێ یەکێ کر، کو حکوومەتا ھەرێمێ ب رژدێ دێ کار کەت بو زڤراندنا ھەموو ئاوارێن دەڤەرێن شنگال و دەشتا مووسل و دێ ھەموو بزاڤا کەت بو ئاڤەدانکرنا وان دەڤەرا و زڤراندنا ھەمی خەلکی بو جھێن وان ومالێن وان”.
میر تحسین بەگ، میری ئێزدیان، سوپاسیا کارگێریا پارێزگەھا دھوکێ کر، بو وان خزمەتێن پێشکێشی ئاوارە و پەنابەرا کرین، ئەوا بو ئاوارا ل سنوورێ پارێزگەھا دھوکێ ھاتیە کرن، ل چ جھێن دی نەھاتیە کرن و ئەم د وێ باوەری داینە دێ حکوومەتا ھەرێمێ کوردستانێ ھەموو شیانێن خوە ئێختە کاری بو ئاڤاکرنا دەڤەرێن ھاتینە رزگار کرن و خەلک ڤەگەریتە سەر جھێن خوە.
تُتاح هذه الصورة أيضا في: کوردی