“شێخ شامۆ” پیرۆزباهیێ ل دهۆكtv دكت ب هەلكەفتا بیرەوەرییا۲٥ سالیا دامەزراندنا وێ
تۆرا لالش یا راگەهاندنێ
بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی،پیرۆزباهی ل كەنالێ دهۆك تی ڤی كر ب هەلكەفتا بیرەوەرییا 25ێ ل سەر دامەزراندنا وێ.
ئیرۆ 4ئەیارا 2017ێ، بەرێز”شێخ شامۆ” سەرەدانا ئاڤاهیێ كەنالێ دهۆك تی ڤی كر و ژبال بەرێزان”خوشناف جەمیل”سەرۆكێ دەزگەهێ خانێ و “عەدنان یوسف”رێڤەبەرێ كەنالێ ناڤبری ڤە هاتە پێشوزایكرن.
دهەڤدیتنێ دا سەرۆكێ دەستەیا بلندا بنگەهێ لالش دیاركر كو ئەڤ كەنالە ئێكەم دەزگەهێ راگەهاندنێ یە ل دەڤەرێ خزمەتكری و هێشتا یا خزمەتا بنگەهێ لالش دكت ب بەرنامێن خۆ و رومالا وێ بۆ حەموو هەلكەفتێن ئایینی یێن ئێزدیان و چالاكیێن جودا یێن بنگەهێ لالش ئەنجامداین،ئاماژە دا خەبات و خزمەتا مەزنا ڤی كەنالی پێشكێشكری درۆژنامەڤانیا كوردی دا.
پاش هەردووئالیان گرنگترین پێشهات دگۆرەپانا راگەهاندنێ و رەوشەنبیری دا گەنگەشەكرن.
تُتاح هذه الصورة أيضا في: کوردی